Juan 17:25 - Dios Rimashca Shimicunami

²⁵ Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Mushuj Testamento Diospaj Shimi

²⁵ Cashcata ruraj Yayalla, cai pachapaj cajcuna Quiquinta mana rijsijpipish, Ñucaca rijsinimari. Ñucahuan cajcunapish Ñucata Quiquin cachashcata rijsincunami.

Juan 17:25 Iomraidhean Croise

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 10:15

Ima shinami ñuca Yaya ñucata rijsin, shinallatajmi ñucapish ñuca Yayataca rijsini. Ñuca ovejacunamantaca ñuca causaitami cuni.

Juan 15:21

Ñucata cachajta mana rijsishcamanta, ñuca shutita p'iñashpami tucui caicunataca chashna rurangacuna.

Juan 16:27

Ñucataca Taita Diospajmanta shamushcata crishpa, ñucata c'uyashcamantami cancunataca ñuca Yayallataj c'uyan.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:18

Ima shinami ñucataca cai pachapi causajcunaman huillachun cacharcangui. Chashnallatajmi ñucapish cai pachapi causajcunaman huillachun paicunataca cachani.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 17:23

Paicunaca pi mana juchachipaj shuj shinalla cachunmi, paicunahuan shujlla cani. Canhuan ñucahuanpish shujllami canchij. Chashna cajpimi cai pachapaj cajcunaca, ñucataca can cachashca cashcata yachangacuna. Ñucata ima shina c'uyaj shinallataj paicunatapish c'uyashcatami yachangacuna.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 6:19

Paicunaca cunan pichca, mana cashpaca sujta kilometrollata rishcapimi, yacu jahuata purishpa barcoman Jesús c'uchuyacujta ricushpa mancharircacuna.

Juan 7:29

Ñucaca paipajmanta shamushcamantami paitaca rijsini. Paimari ñucataca cacharca– nircami.

Juan 8:19

Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

Hechos 17:23

Cancunapaj pueblota puricushpaca cancunapaj dioscunata adorana altarcunatami ricurcani. Chai dioscunapaj pircashca altarcunapaj shuj altarpica: “Mana rijsishca Diospaj” nishpa quillcashcatami ricurcani. Chaitaca mana rijsishpapish adoracunguichijmi. Ñucapish chai Taita Diosmantami cancunamanca huillacuni.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 3:11

Entendijpish mana tiyanchu, Diosta mashcajpish mana tiyanchu.

Romanos 3:26

Chashna cashcata rurajta ruraj cashcataca cunan punllacunapi rurashpami ricuchisha nishca. Chaimi Jesusta crijpica pai ima shinami cashcata ruraj chai shinallatataj ruran.

1 Corintios 1:21

Dios rurashcacunaca, pai yachaj cashcatami ricuchin. Cai pachapi causajcunaca paicunapaj yachashcallahuan Dios tiyashcata crishun nishpami Dios tiyashcataca mana crircacuna. Chaimantami Diosca musparishpa huillacushca shina huillashcata crijpi, quishpichinata munarca.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

Hebreos 8:11

Chai punllacunapica uchillacunapish jatuncunapish ña ñucata rijsishcamanta paipuratapish paipaj huauquitapish “Jatun Diosta rijsinami cangui” nishpa pi mana yachachingacunachu.

1 Juan 1:9

Shina cajpipish ñucanchij juchacunata huillajpica, Diosca imatapish pajtachij, cashcata ruraj cashcamantaca ñucanchij juchacunata perdonangami. Tucui millaimantapish p'ichangami.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 16:5

Chai q'uipaca yacucunata mandaj ángel, cashna nicujtami uyarcani: “Jatun Dios, canca imatapish cashcata ruraj cashpami cashcata rurashpa cashna llaquichishcangui. Canca jucha illaj Diosmi cangui, cunanpish, sarunpish canllatajmi cangui.