Juan 17:24 - Dios Rimashca Shimicunami

²⁴ Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Mushuj Testamento Diospaj Shimi

²⁴ Yayalla, Quiquinca cai pachata manaraj rurashpami, Ñucataca sumajyachircangui. Ñuca chashna sumaj cashcata ricuchunmi, Ñucaman cushcacunaca Ñuca maipimi tiyagricuni, paicunapish chaipi Ñucahuan cachun mañani.

Juan 17:24 Iomraidhean Croise

GÉNESIS 45:13

Cunanca ñuca yayamanca cai Egiptopi ñuca mandacushcata, tucui ima shinalla cashcata ricushcatapish huillagripaichij. ¡Utca rishpa ñuca yayataca caiman pushamugrichij!– nircami.

Mateo 25:21

paipaj amoca: “Allimi rurashcangui, canca allita ruraj, alli cazujmi cangui. Cai ashalla talentohuanpish allita rurashcamanta, ashtahuan yallitami mingasha. Cambaj amohuan cushicunaman yaicui” nircami.

Mateo 25:23

paipaj amoca: “Allimi rurashcangui, canca allita ruraj, alli cazujmi cangui. Cai ashalla talentohuanpish allita rurashcamanta, ashtahuan yallitami mingasha. Cambaj amohuan cushicunaman yaicui” nirca.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 26:29

Cancunataca cashnami nini. Ñuca Yaya mandacujpi mushujta ubyangacama, uvasmanta capishca vinotaca cunanmanta pacha mana cancunahuan ubyashachu– nircami.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 23:43

Jesusca: –Cunanllatajmi paraisopi ñucahuan cangui. Chashnatajmi canga– nirca.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 14:3

Ñuca rishpa cancuna causanata allichishca q'uipaca cancunapish ñuca maipimi cani cancunapish chaipi cachun pushangapaj tigramushami.

Juan 15:9

Ñuca Yaya ñucata c'uyashca shinami, ñucapish cancunataca c'uyarcani. Chaimanta ñuca c'uyaipi shuj shinalla catichij.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 17:22

Ima shinami ñucanchij shujlla canchij, chashnallataj paicunapish shujlla cachunmi, can ñucaman cushca rurai tucunataca paicunamanpish curcani.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:39

Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

1 Corintios 13:12

Cunanca, amsalla espejopi shinallami chingajllata ricucunchij. Ashtahuanpish q'uipataca, ñahui ñahuimari ricushun. Cunanca ashallatami yachani. Dios ima shinami ñucata rijsin, shinallatajmi q'uipataca alli rijsisha.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

2 Corintios 5:8

Chaimantami chai yuyailla canchij, ashtahuancarin ñucanchijca cai aichahuanca ña mana ashtahuan cashpa, Mandaj Jesushuanmi cashun ninchij.

Filipenses 1:23

Chai ishquindij yuyaicunami ñucataca llapiracun. Shina cajpipish, Cristohuan cangapaj huañushpa rinami ñucapajca yallitaj alli.

1 Tesalonicenses 4:17

Chai q'uipami ñucanchij caipiraj saquirishca causacujcunaca, Mandaj Jesusta huairapi tupangapaj paicunahuan tandalla p'uyupi apashca cashun. Chaipimi Mandaj Jesushuan huiñaita cashun.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

1 Juan 3:2

C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.