Juan 17:20 - Dios Rimashca Shimicunami

²⁰ Paicunallamanta mana mañanichu. Paicuna huillajpi, q'uipata ñucata crina cashcacunamantapishmi mañani.

Mushuj Testamento Diospaj Shimi

²⁰ Paicunallamantaca mana mañanichu, ashtahuanpish paicuna huillajpi Ñucata crina cajcunamantapishmi mañani.

Juan 17:20 Iomraidhean Croise

Juan 10:16

Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Juan 17:19

Paicunapish cambaj manataj llullapi shujlla tucuchunmi, ñucallataj canman curini.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Hechos 2:41

Chai huillashcata cazujcunaca bautizarircacunami. Chai punllaca, quimsa huaranga shinami mirarishpa caishuj crijcunahuan tandanacurcacuna.

Hechos 4:4

Chashna rurajpipish paicuna huillashcata uyajcunaca achcacunami crircacuna. C'aricunallami pichca huaranga shina carca.

Romanos 16:26

Chaitaca huiñaita causaj Dios mandashca shinami, paipaj profetacunaman Quillcacunata quillcachishpa ricuchishca. Crinataj cashcata cazunata tucui mama llajtacunaman yachaj chayachingapajmi chashna ricuchishca.

Efesios 4:11

Paillatajmi shujcunataca apostolcuna, caishujcunataca profetacuna, chaishujcunataca alli huillaita huillajcuna, maijancunataca michijcuna yachachijcunapish cachun churarca.

2 Timoteo 1:2

Timoteo canca ñuca c'uyashca huahuami cangui. Dios Yayapaj, ñucanchijta Mandaj Jesucristopaj mana c'uyaipajta c'uyaj canapish, llaquij canapish, sumaj causaipish canhuan cashca cachun ninimi.