Juan 17:15 - Dios Rimashca Shimicunami

¹⁵ Cai pachamanta paicunata anchuchichunca mana mañanichu, ashtahuanpish millaimanta huaquichichunmi mañani.

Mushuj Testamento Diospaj Shimi

¹⁵ Cai pachamanta paicunata anchuchichunca, mana mañanichu, ashtahuanpish millaimanta huaquichichunmi mañapani.

Juan 17:15 Iomraidhean Croise

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

1 CRÓNICAS 4:10

Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

SALMOS 121:7

Mandaj Diosmi tucui llaquimanta cantaca huaquichinga. Paimi cambaj causaita huaquichinga.

SALMOS 30:9

Ñucata huañuchun saquishpaca, ¿imatataj japinguiyari? Pambana jutcuman richun saquishpaca ¿imatataj japinguiyari? ¿Ñutu allpa tucushcaca quiquintaca alabangachu? ¿Ñutu allpa tucushcaca quiquinca mana llulla cashcataca huillangachu?

ECLESIASTÉS 9:10

Imata ruranatapish cambaj maquipi tiyacujtaca fuerza tiyashcahuan rurailla, canpish Seolman ringuillatajmi. Chaipica imata rurana mana tiyanchu. Imata yuyanallapish, imata yachanapish, alli yachaipish mana tiyanchu.

ISAÍAS 57:1

“Cashcata ruraj runa huañujpica, pipaj ima mana cashca shina saquirinllami. Dios yuyailla cajcunataca, cashcata ruraj cashcamanta llaquita ama ricuchun apashca cashcataca pi mana yuyanchu.

Mateo 5:37

Ashtahuanpish canca: “Ari cajpica ari, mana cajpica mana ningui”. Imatapish yalli mana nirinaca millaimantami shamun.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Lucas 11:4

Ima shinami shujtajcuna ñucanchijta ima mana allita rurashcacunata perdonanchij, shinallataj ñucanchij juchacunatapish perdonapai. Ima mana allipi urmachun, ama saquihuangui. Tucui millaimanta huaquichihuangui” –nircami.

Lucas 22:32

Ashtahuanpish crij cashcata saquisha ama nichunmi, ñucaca canmantaca Taita Diosta mañarcani. Ña cutin ñucaman can cutirishpaca, ñucata alli catijcuna cachun cambaj huauquicunatapish alli yachachingui– nircami.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

2 Tesalonicenses 3:3

Ashtahuanpish Mandaj Jesusca tucui imatapish pajtachijmi. Paillatajmi cancunataca sinchiyachinga, millaimantapish huaquichinga.

2 Timoteo 4:8

Chaimantami, cashcata ruraj cashcata ricuchij corona ñucapajca ch'icanchishca tiyacun. Chaitaca cashcata ruraj Mandaj Jesusmi shamuj punllapi cunga. Mana ñucallamanchu cunga, ashtahuanpish pai shamunata tucui c'uyajcunamanpishmi cunga.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.