Juan 17:14 - Dios Rimashca Shimicunami

¹⁴ Ñucaca paicunamanca quiquin huillai nishcatami huillarcani. Ima shinami ñucaca mana cai pachapaj cani, shinallatajmi paicunapish mana cai pachapaj. Chaimantami cai pachapaj cajcunaca paicunataca p'iñancuna.

Mushuj Testamento Diospaj Shimi

¹⁴ Ñucaca paicunamanca, Quiquinpaj Shimita huillarcanimi. Ñucaca mana cai pachamanta canichu, paicunapish mana cai pachapajchu. Chaimantami cai pachapica, paicunataca pʼiñancuna.

Juan 17:14 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

PROVERBIOS 29:27

Millai runaca cashcata rurajcunapajca, p'iñananami ricurin. Allita rurashpa causajpish, Diosta mana manchaj runapajca, p'iñananami ricurin.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

Marcos 10:39

paicunaca: –Ari, chashna rurai tucunchijmi– nircacuna. Chaimi Jesusca: –Ñuca ubyashca vasomantapish ubyanguichijmi, ñuca imahuan bautizarishcapipish bautizaringuichijmi.

Juan 17:16

Ima shinami ñucaca mana cai pachapaj cani, chashnallatajmi paicunapish mana cai pachapaj.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 7:7

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Juan 8:23

Chaimi Jesusca: –Cancunaca cai jucha pachamantami canguichij, ñucaca jahua pachamantami cani. Cancunaca cai pachamantami canguichij, ñucaca mana cai pachamantachu cani.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.

1 Juan 3:13

Ñuca huauquicunalla, cai pachapaj cajcuna cancunata p'iñajpipish, ama manchaichijchu.