Juan 16:33 - Dios Rimashca Shimicunami

³³ Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Mushuj Testamento Diospaj Shimi

³³ Ñucamanta cushicuchunmi, tucui caicunataca huillani. Cai pachapica, llaquita apanguichijmi. Chashna cajpipish cai pachataca ñami misharcani, Ñucapi shunguta churaichijlla— nircami.

Juan 16:33 Iomraidhean Croise

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

MIQUEAS 5:5

Paimi ñucanchijmanca sumaj causaita cunga. Asiria llajta runacuna ñucanchij llajtata quichushpa, mandana huasicunatapish urmachijpica canchis michijcunata, pusaj mandajcunatami paicunata llaquichinamanca cachashun.

Mateo 9:2

Chaipi pai cajpica, mana cuyurij runatami, huandunapi huandushpa apamurcacuna. Jesusca paicuna crishcata ricushpami, mana cuyurij runataca: –Huahua, ama manchaichu cambaj juchacunaca perdonashcami– nirca.

Lucas 19:38

–¡Jatun Diospaj shutipi shamucuj Jatun Mandajtami alli ninchij! ¡Jahua pachapipish sumaj cachun, jahua pacha Jatun Diostaca sumajmari cangui nishca cachun!– nishpami caparircacuna.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 14:1

–Ñuca rigrini nijpipish ama mancharichijchu. Yaya Diostapish crichij, ñucatapish crichij.

Juan 14:27

Cancunamanca ñuca sumaj causaitami cuni, sumajta causachunmi chaitaca saquini. Cai pachapaj cajcuna cushca shinaca mana cunichu. Chaimanta cancunapaj shungupica ama musparinguichijchu, ama mancharinguichijchu.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

Hechos 23:11

Mandaj Jesús chai tuta ricurishpami Pablotaca: “Pablo, ama manchaichu. Ima shinami cai Jerusalenpi ñucamanta huillacungui, chashnallatajmi Romapipish huillana cangui” nirca.

Hechos 27:22

Shina cajpipish cunanca ama ashtahuan llaquilla cachun caitami nisha nini: Ama manchaichijchu, cancunaca shujllapish mana huañunguichijchu, cai barcollami chingaringa.

Hechos 27:25

Chaimanta tucui caipi cajcuna, ama manchaichijchu. Taita Diosca paipaj angelman huillachishcata pajtachina cashcataca crinimi.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

2 Corintios 1:3

Ñucanchijta Mandaj Jesucristopaj Dios Yayataca, alli nishca cachun. Paica llaquij Yayami, tucuipi cushichij Diosmi.

2 Corintios 13:11

Tucuimanta yallica huauquicuna cushicuita charichij, allitaj crij canaman chayaichij, caishuj chaishuj cushichinacuichij, shuj shinalla yuyaichij, sumajta causaichij. Chashna cajpica sumaj causaitapish, c'uyaitapish cuj Diosca cancunahuanmi canga.

2 Corintios 2:14

Paipaj mishquiman ashnajlla yachaitaca tucuipi huillachunmi, ñucanchijtaca tucui imapipish mishachishpa pushacunlla. Chaimantami Diostaca pagui nicunchij.

2 Corintios 4:7

Tucuita rurai tucunaca Diosmanta shamuj cashcata, mana ñucanchijmanta cashcata ricuchingapajmi, cai sumaj allitaca allpa vasocuna shinalla ñucanchij cuerpopi charicunchij.

2 Corintios 6:4

Ashtahuanpish tucui imata rurashpapish, Diospajta rurajcuna cashcataca mana utca p'iñarishcapimi cashna ricuchinchij. Llaquichijpipish, ima illajlla cashpapish, llaquihuan cashpapish,

2 Corintios 7:4

Cancunamanta sumajyarishcataca mana pingashpami huillani. Tucui llaquicunahuan cashpapish, cushicuihuan jundami cani, jahuanpi jahuanpimi yallitaj cushicucuni.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Gálatas 6:14

Chaipica ñucaca mana jatunyarinichu. Ashtahuanpish ñucanchijta Mandaj Jesucristopaj cruzpimi jatunyarini. Ñucapajca paimantaca cai pachaca, cruzpimi huañurca. Ñucapish cai pachapajca, huañushcami cani.

Filipenses 4:7

Chashna rurajpimi pipish mana yachaipaj Diospaj sumaj causaica, cancunapaj shungucunata, cancunapaj yuyaicunatapish Cristo Jesuspi huaquichinga.

Colosenses 1:20

Diosca Cristomantami tucui imalla tiyajcunahuan cutin alli tucurca. Cai pachapi cajcunahuanpish, jahua pachapi cajcunahuanpishmi alli tucurca. Cristo cruzpi yahuarta jichashcahuanmi Diosca chashna alli tucurca.

1 Tesalonicenses 3:4

Cancunahuan cashparajmi, llaquicunataca apanatajmi canchij nij carcanchij. Cancuna yachashca shinallataj chashnami tucurca.

1 Tesalonicenses 3:7

Chaimanta huauquicuna, ñucanchijca ima illajlla, llaquicuna chaupipi cashpapish, cancuna crishcapi alli caticujta yachashpami cushicunchij.

2 Tesalonicenses 3:16

Sumaj causaita cuj Mandaj Jesusllataj cancunamanca, tucuipi sumaj causaita cushpa caticuchunlla. Mandaj Jesusca tucui cancunahuan cachun.

2 Timoteo 3:12

Cristo Jesushuan shujlla tucushpa pai yuyailla causasha nijcunaca tucuicunallatajmi catirashpa llaquichishca canga.

Hebreos 11:25

Juchata rurashpa ashacama cushicushpa causanapaj randica, Dios agllashcacunahuan llaquita apanatami agllarca.

Hebreos 7:2

Abrahamca macanacushpa tucui japishcacunamantaca chungamanta shujtami Melquisedecmanca cushca. Melquisedec nishpaca puntaca: “Cashcata ruraj Jatun Mandaj” nisha ninmi. Shinallataj: “Salem llajtata Jatun Mandaj” nishcapish, “Sumaj causaiyuj Jatun Mandaj” nisha ninmi.

1 Pedro 5:9

Cai pachapi tucui crijcunapish cancuna apacushca llaquicunallatataj apacushcata yachashcamanta, crishcapi sinchiyashpa diablotaca mishaichij.

1 Juan 2:13

Yayacuna, callarinapaj ña tiyajta rijsijpimi, cancunamanca quillcani. Q'uipa huiñaicuna, diablota mishajcuna cajpimi, cancunamanca quillcani. Huahuacuna, Diosta rijsijcuna cajpimi, cancunamanca quillcani.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.

JUECES 3:2

Macanacuipi nunca mana caj q'uipa huiñai israelcuna ima shina macanacunata yachachunpishmi saquircaraj. Chai llajtacunaca caicunami: