Juan 16:28 - Dios Rimashca Shimicunami

²⁸ Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Mushuj Testamento Diospaj Shimi

²⁸ Yayapajmantami cai pachamanca shamurcani. Cai pachata saquishpami, cutin Yayapajllamantaj tigragrini— nircami.

Juan 16:28 Iomraidhean Croise

Lucas 24:51

Taita Dios cancunahuan cachun nishpa paicunamanta anchurijpica, jahua pachaman aparcallami.

Lucas 9:51

Jesusca jahua pachaman rina punlla chayamucujpimi, Jerusalenmanca mana manchashpa rina tucurca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 16:10

Cashcata ruraj nishcaca, ñuca Yayapajman rijpi cancuna ñucata ña mana ricunami.

Juan 16:16

Ashacama ñucataca mana ricunguichijchu. Chai q'uipaca cutin ashacama ricunguichijmi. Ñucaca Yayapajmanmi rigrini– nijpimi,

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 16:5

Cunanca ñucata cachajpajmanmi rigrini. Shina cajpipish cancunamanta shujllapish: “¿Maimantaj ricungui?” nishpa mana tapunguichijchu.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:13

Cunanca ñucaca quiquinpajmanmi tigragrini. Ñuca cushicushca shinallataj paicunapish cushicuchunmi cai pachapi cashparaj chashna nini.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 8:14

Chaimi Jesusca: –Ñucallamantataj huillashpapish, ñucaca ima shina cashcatatajmi huillani. Ñucaca maimanta shamushcata, maiman rina cashcatapish yachanimi. Cancunaca ñuca maimanta shamushcata, maiman rigrishcatapish mana yachanguichijchu.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.