Juan 16:24 - Dios Rimashca Shimicunami

²⁴ Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.

Mushuj Testamento Diospaj Shimi

²⁴ Cunancamaca, imata manaraj Ñuca shutipi mañashcanguichijchu. Mañaichijlla, chasquinguichijmi. Chasquishpami jatunta cushicunguichij.

Juan 16:24 Iomraidhean Croise

GÉNESIS 32:9

Chai q'uipami Jacobca: “Ñuca abuelo Abrahampaj, ñuca yaya Isaacpaj Mandaj Taita Dios, quiquinmi ñucataca: Cambaj quiquin llajtaman, cambaj quiquin familiapajman tigrailla. Ñucami cantaca maipipish cuidasha nircangui.

1 REYES 18:36

Diosman animalta cushpa tucui rupachina horas tucujpica, profeta Eliasca altarman c'uchuyashpami: “Abrahampaj, Isaacpaj, Israelpaj Mandaj Taita Dioslla, Israel llajtapica canlla Dios cashcata cunantaj ricuchiyari. Ñuca cambajta ruraj cashcatapish, can mandajpi caita ruracushcatapish ricuchiyari.

2 REYES 19:15

Ezequiasca Mandaj Diospaj ñaupajpica cashna nishpami mañarca: “Israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish, cai pachatapish canmi rurarcangui.

Mateo 6:9

Chaimanta cancunaca cashna mañanguichij: “Jahua pachapi caj ñucanchij Yaya, cambaj jucha illaj shutitaca, alli nishca cachun.

Juan 14:1

–Ñuca rigrini nijpipish ama mancharichijchu. Yaya Diostapish crichij, ñucatapish crichij.

Juan 14:14

Imatapish ñucamanta mañajpica, chaita rurashami.

Juan 15:11

Chaicunataca ñuca cushicui cancunapi cachunmi chashnaca nini. Chaimi ñuca cushicuj shinallataj cushicunguichij.

Juan 16:23

Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

2 Tesalonicenses 1:2

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

2 Juan 1:12

Achca quillcanacunatami cancunapajca charini. Papelpi, tintallahuanca mana quillcasha ninichu. Ashtahuanpish cushicuna shinataj cancunapish ñucanchijpish ñahui ñahui parlanacushpa cushicungapajmi, cancunapajman rinata shuyacuni.