Juan 16:23 - Dios Rimashca Shimicunami

²³ Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Mushuj Testamento Diospaj Shimi

²³ Chai punllaca Ñucataca, imata ña mana tapucunguichijchu. Ñucamanta tucui imatapish Yayata mañajpica paica cungallami, chaica chashnatajmi.

Juan 16:23 Iomraidhean Croise

ISAÍAS 65:24

Paicuna manaraj caparijpimi, ñucaca cutichisha. Paicuna manaraj tucui rimajpimi, ñucaca uyasha.

Mateo 21:22

Tucui imatapish crishpa Diosta mañashpaca, chasquinguichijmi– nircami.

Mateo 7:7

Mañaichij, paica cungami. Mashcaichij, japinguichijmi. Huasiyuj nichij, paica pascangami.

Juan 14:20

Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.

Juan 14:22

Judasca: –Mandaj Jesús ¿ima shinataj ñucanchijllaman ricurishpa, cai pachapaj cajcunamanca mana ricurisha ninguiyari?– nirca. (Chashna nijca mana Judas Iscariotechu carca).

Juan 14:5

Tomasca: –Mandaj Jesús, can maiman ricujtaca mana yachanchijchu. Ñantacarin ¿ima shinataj rijsishunri?– nirca.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 16:19

Jesusca paicuna tapushun yuyacushcata yachashpami cashna nirca: –“Ashacama ñucataca mana ricunguichijchu, chai q'uipami cutin ñucataca ashacama ricunguichij” ¿nishcatachu cancunapura tapunacucunguichij imamí?

Juan 16:26

Chai punllapica, ñuca Yayata cancunamanta mañashami mana ninichu. Ashtahuanpish cancunamari ñucallamanta ñuca Yayataca mañanguichij.

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.