Juan 16:21 - Dios Rimashca Shimicunami

²¹ Shuj huarmica huachana pajtajpi huachacushpaca achcatami nanachin. Huahuata huachashca q'uipaca chai nanaita ña mana yuyarinchu, cai pachapi huahuayuj tucushcamanta achcatami cushicun.

Mushuj Testamento Diospaj Shimi

²¹ Huarmica huachana pajtajpica, achcatami nanachin. Shina cashpapish huahuata huachashca qʼuipaca, nanaihuan huañucushcata cungarishpami, cai pachapi huahuayuj tucushcamantaca, achcata cushicun.

Juan 16:21 Iomraidhean Croise

GÉNESIS 3:16

Huarmitapish cashnami nirca: –Chichu cajpipish jatun nanaihuan canatami mirachini. Huachanatapish yallitaj nanaihuanmi huachangui. Chashna cashpapish canca cusahuan canatatajmi munangui. Paimi cantaca mandanga– nircami.

JOB 11:16

Cambaj llaquicunatapish cungaringuimi, mana cashpaca larcata yacucuna pasashcata shinallami yuyaringui.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

ISAÍAS 13:8

Yallitaj manchai, yallitaj llaqui, yallitaj nanaicunami paicunataca llapinga. Huachana nanaihuan caj huarmi torcericuj shinami tucungacuna. Paicunahuan cajcunata caishuj chaishuj ñahuita ricunacushpaca tucuicunami jatunta mancharingacuna. Paicunapaj ñahuicunaca nina lunyacuj shinami cangacuna.

ISAÍAS 21:3

Chaimantami ñucaca huasha nanaihuan chujchucurcani. Huachana nanaihuan caj huarmita shinamari llaquica ñucataca japirca. Chaita uyashpaca llaquillami carcani. Chaita ricushpaca musparircanimi.

ISAÍAS 66:7

¡Manaraj huachana punlla pajtajpimari huacharca. Huachana nanai manaraj japijpimari, c'ari huahuata huacharca!

MIQUEAS 4:10

Siónpi causajcunalla, huachana nanaihuan capariricuj huarmi shina caparirishpa huacaichigari. Cancunaca cai pueblomanta llujshishpaca, urcupimi causanguichij. Chaimantaca Babiloniacamami chayanguichij. Chaipimi quishpiringuichij. Chaipimi Mandaj Diosca, cancunata p'iñajcunapaj maquimanta quishpichinga.

MIQUEAS 4:9

¿Ima nishpataj cunanca huachana nanaihuan capariricuj huarmi shina capariricunguichigari? ¿Manachu jatun mandajta charinguichij? ¿Cancunata cunajcunachu huañurca imatagari?

Gálatas 4:27

Cashnami quillcashca tiyacun: “¡Cushicui, mana chichuj, mana huachaj. Canca huachana nanaita mana charishcamanta jatunta cushicushpa capari! Shitashca huarmipajca, cusayuj huarmipajta yalli achca huahuacunami” ninmi.

1 Tesalonicenses 5:3

Tucuicuna: “Allitaj, sumajtami causacunchij” ninacucujpica, chichu huarmita nanai japij shinami paicunapajmanca, jatunta llaquichinaca ñapish shamunga. Chaimantaca manataj miticungacunachu.