Juan 16:20 - Dios Rimashca Shimicunami

²⁰ Cashnatajmi tucunga: Cancunaca huacanguichijmi, achcatami llaquiringuichij. Ashtahuanpish cai pachapaj cajcunaca cushicungacunami. Chashna llaquilla cajpipish, cancunapaj llaquica cushicuimanmi tigranga.

Mushuj Testamento Diospaj Shimi

²⁰ Cancunaca anchata llaquirishpa huacanguichijmi. Ashtahuanpish cai pachapaj cajcunaca cushicungami. Cancunapaj llaquica cushicuimanmi tigranga, chaica chashnatajmi.

Juan 16:20 Iomraidhean Croise

JOB 20:5

Millai runacunapaj cushicunaca utca tucurijllami, Diosta mana manchajcunapish ashacamallami cushicun.

SALMOS 30:11

Ñuca llaquilla cashpa huacacujtaca, bailacuj canamanmi tigrachishcangui. Llaquilla cashpa churarinataca llujshichishcanguimi. Cushicuitami chumbillichishcangui.

SALMOS 30:5

Paica ashacamallami p'iñarin. Paica tucui causaipimi c'uyacunlla. Tucui tuta huacai tiyashpapish, pacarijpica cushicuimi tiyan.

SALMOS 97:11

Cashcata rurajcunapajca, achij luzmi tarpushca tiyacun. Shungupi ima millai yuyaita mana charijcunapajca cushicunami tarpushca tiyacun.

ISAÍAS 12:1

Chai punllapica cashnami ningui: “Mandaj Dios, quiquintami cantasha. Quiquinca ñucahuan p'iñarishca p'iña cashca cashpapish, quiquin p'iñarishcaca ñami quiquinmanta anchushca. Ñucataca ñami cushichishcangui.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

JEREMÍAS 31:25

Shaicushcacunamanca tucui ima illashcatami cusha. Yaricaihuan urmacujcunamanca huijsa pajtajtami carasha” nircami.

Mateo 21:38

Chai churi chayajpi paita ricushpaca, chagrajcunaca: “Caimari paipaj churi cai tucuitaca paimari japinga. Pai japinataca ñucanchij japingapaj shamuichij huañuchishunchij” nircacunami.

Mateo 5:4

Huacajcunaca cushichishcami. Paicunami cushicuita chasquingacuna.

Marcos 14:72

Pedro chashna nincami, galloca cutin cantarca. Chaimi Pedroca: “Gallo manaraj ishqui cutin cantajpimi, ñucataca quimsa cutin mana rijsinichu ningui” nishpa, Jesús nishcata yuyarishpa huacarca.

Marcos 16:10

Paimi Jesushuan purijcunamanca Jesusca causarishcami nishpa huillarca. Paicunaca llaquirishpami huacacushcacuna carca.

Lucas 22:45

Taita Diosta mañacushcamanta jatarishpaca, yachacujcunapajmanmi rirca. Paicunataca llaquihuan cashcamanta, dormicujtami japirca.

Lucas 22:62

Chaimantami Pedroca, canllaman llujshishpa jatunta llaquirishpa huacarca.

Lucas 23:27

Achcacunami Jesustaca catishpa ricurcacuna. Chaicunapurapica, tauca huarmicunami Jesusmanta achcata llaquirishpa huacashpa caticurcacuna.

Lucas 24:17

Chaimi Jesusca: –Cancunaca ¿imatataj parlanacuihuan ricunguichij? ¿Imamantataj llaquilla canguichij?– nishpa tapujpi,

Lucas 24:21

Ñucanchijca cai Israeltaca paimi quishpichinga nishpamari yuyacurcanchij. Ashtahuanpish paita huañuchishcaca, ñamari quimsa punlla tucun.

Lucas 6:21

Cunan yaricaihuan cajcunaca, cushichishcami canguichij. Mana nijtami micunguichij. Cunan huacacujcunaca, cushichishcami canguichij, yallitajmi asinguichij.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 16:6

Ashtahuanpish caicunata ñuca nijpica llaquirinallatami yallitaj llaquiringuichij.

Juan 20:20

Chashna nishpaca paipaj maquicunata, costillatapishmi ricuchirca. Yachacujcuna Mandaj Jesusta ricushpaca, yallitajmi cushicurcacuna.

Hechos 5:41

Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna.

Romanos 5:11

Mana chaillachu, Dioshuan alli tucunataca ñucanchij Mandaj Jesucristomanta chasquishcamantami Taita Diospica cushicunchij.

2 Corintios 6:10

Llaquilla cashpapish, punllantami cushijlla canchij. Imata mana charijcuna cashpapish, achcacunatami charijyachicunchij. Imata mana charishpapish, tucuitami charinchij.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

1 Tesalonicenses 1:6

Jatun llaqui chaupipi cashpapish, jucha illaj Espíritu cushichijpimi, ñucanchij huillashcataca cushicushpa chasquircanguichij. Chaimantami ñucanchij shina, Mandaj Jesús shinapish cana yuyai tucumushcanguichij.

Santiago 1:2

Ñuca huauquicunalla, ch'ican ch'ican llaquicunahuan cashpapish, ucu shungumanta cushicuichij.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

Apocalipsis 11:10

Paicunata huañuchishcata cai pachapi causajcuna ricushpaca achcatami cushicungacuna. Chai ishqui profetacunaca, cai pachapi causajcunapajca jatunta llaquichijcunami carca. Chaimanta cushicushpami caishuj chaishujman convidanacunata cachanacungacuna.

Apocalipsis 18:7

Pai jatun tucushpa munashcata rurashpa achcata cushicushpa causashca shinallataj jatunta llaquichichij, achcata huacachichij. Paica shungupica: Ñucaca jatun mandaj shinamari tiyacuni, ñucaca mana viudachu cani, ima llaquitapish mana charishachu” niricunmi.