Juan 16:2 - Dios Rimashca Shimicunami

² Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Mushuj Testamento Diospaj Shimi

² Cancunataca tandanacuna huasicunamanta llujshichishpa cachangacunami. Maijanpish cancunata huañuchishpaca, ‘Taita Dios munashcatami ruranchij’ yuyangacunami. Chai punllaca, ñallami chayamunga.

Juan 16:2 Iomraidhean Croise

ISAÍAS 65:5

Paicunaca: Ñucapajmanca ama c'uchuyamuichu. Can maipi cashcapi saquiri. Ñucaca canta yalli jucha illajmari cani nijcunami. Chashna nijcunaca, nina rupashpa tucui punlla cushnij shinami, ñucataca p'iñachincuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

DANIEL 11:33

Diospaj cajcunapuramanta yachaisapa cajcunaca achcacunatami yachachingacuna. Chai punllacunapica maijancunataca espadahuanmi huañuchinga. Maijancunataca ninahuanmi rupachinga. Maijancunataca prezumi apanga. Chashna rurashpaca paicuna ima charishcacunatapish apangacunami.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Mateo 24:9

Chai punllacunapica cancunataca llaquichichun prezuchingacunami, huañuchingacunami. Ñucata caticushcamantaca tucuicunami p'iñangacuna.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Juan 12:42

Tucui chaicuna chashna cajpipish llajtata mandajcunacamami, achcacuna Jesustaca crircacuna. Paicunaca sinagogamanta fariseocuna llujshichishpa, cachanata manchashcallamantami crishcataca mana huillarcacuna.

Juan 16:25

Caicamaca cancunamanca parlocunahuan ch'imbapurashpallami parlarcani. Ña mana parlocunallahuan ch'imbapurashpa huillanami chayamucun. Chaimanta ñuca Yayamantaca cancunamanca allitajmi huillasha.

Juan 16:32

Ñucallata saquishpa, cancuna maita ri tucushcata, caita chaita rinami chayamucun. Chaica ñami chayamun. Chashna rurajpipish mana ñucallachu cani, Yayaca ñucahuanmari.

Juan 4:21

Chaimi Jesusca cashna nirca: –Huarmi, mana cai urcullapi, mana Jerusalenllapi Yaya Diosta adorana punlla shamucujta criyari.

Juan 4:23

Yaya Diostaca Espíritu yuyaita cushca shina, mana nij tucushpalla adorana punlla chayamunami carca. Chai punllamari ña chayamun. Yaya Diosca chashna adorajcunatami munan.

Juan 9:22

“Judiocunaca ñaupamanmi Jesusca Mesiasmi nishpa maijanpish huillajpica, sinagogamanta llujshichishpa shitashcami canga” nishpa yuyarinacushca carca. Chaita manchashcamantami chai yaya mamaca chashna nircacuna.

Juan 9:34

Chashna nijpica: –Canca juchapimi huacharishcangui. ¿Ñucanchijtachu yachachisha ningui?– nishpaca, caipica ña mana ashtahuan tandanacui tucunguichu nishpami llujshichishpa cacharcacuna.

Hechos 5:33

Shina nijta chai mandajcuna uyashpaca, yallitaj p'iñarishpami huañuchinata yuyarcacuna.

Hechos 7:56

cashna nirca: –¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.

1 Corintios 4:13

Ñucanchijta millaita rimajpipish, c'uyaihuanmi cutichinchij. Ñucanchijca cunancamaca cai pacha ñucu shina, tucuicuna millanami tucumushcanchij.

Filipenses 3:6

Chaita pajtachichuntaj nishpami tandanacushca crijcunata catirashpa llaquichij carcani. Mandashcapi nishca shinataj cashcata ruraj, pi mana juchachipajmi carcani.

Apocalipsis 6:9

Chuscupaj q'uipa sellashcata Oveja pascajpica, Diospaj shimita huillashcamanta, huillashca shinataj causashcamanta huañuchishcacunapaj almacunatami, altar ucupi ricurcani.

JUECES 6:30

–Cambaj churita huañuchingapaj canllaman llujshichi. Paimari Baalpaj altarta urmachishca, chai c'uchupi shayacuj Asera huarmi diosman rijchajta rurashca diostapishmari p'itishca– nircacunami.