Juan 16:19 - Dios Rimashca Shimicunami

¹⁹ Jesusca paicuna tapushun yuyacushcata yachashpami cashna nirca: –“Ashacama ñucataca mana ricunguichijchu, chai q'uipami cutin ñucataca ashacama ricunguichij” ¿nishcatachu cancunapura tapunacucunguichij imamí?

Mushuj Testamento Diospaj Shimi

¹⁹ Jesusca, paicuna tapushun yuyacushcata yachashpami cashna nirca: —¿“Ashallahuanca Ñucataca, ña mana ricunguichijchu, chai qʼuipaca cutinmi ashacama ricunguichij” nishcatachu cancunapuralla tapunacucunguichij, imamí?

Juan 16:19 Iomraidhean Croise

Mateo 6:8

Cancunaca ama paicuna shina mañaichijchu. Cancunapaj Yayaca, imalla illashcataca ñami ñaupaman yachan.

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Marcos 9:32

Chaitaca paicunaca imata nisha nishcata mana entendircacunachu. Tapunatapish mancharcacunami.

Juan 13:33

Huahuacuna, ashacamallami caipi cancunahuan tiyacuni. Cancunataca judiocunata nishca shinallatajmi nini: Ñucataca mashcanguichijmi. Ñuca maiman ricunmanca, cancunaca mana ri tucunguichijchu.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 16:16

Ashacama ñucataca mana ricunguichijchu. Chai q'uipaca cutin ashacama ricunguichijmi. Ñucaca Yayapajmanmi rigrini– nijpimi,

Juan 16:18

Chai ashacama nishcatamari mana entendinchij ¿imatataj nisha ninchu imamí?– nircacuna.

Juan 16:23

Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Juan 16:26

Chai punllapica, ñuca Yayata cancunamanta mañashami mana ninichu. Ashtahuanpish cancunamari ñucallamanta ñuca Yayataca mañanguichij.

Juan 16:30

Quiquinca tucuita yachaj cashcamanta pi tapujta mana shuyanguichu. Chaimantami Taita Diospajmanta shamushcata cunantajca crinchij– nircacunami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 6:61

Jesusca paita catijcuna chashna huashalla rimanacucujta yachashpami: –¿Ñaja cancunata yachachishcachu p'iñachin?

Juan 7:33

Chaipimi Jesusca: –Ashacamallami cancunahuan cani. Chaimantaca ñucata cachajpajman tigrashpa rishallami.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.