Juan 16:15 - Dios Rimashca Shimicunami

¹⁵ Ñuca Yaya tucui charishcacunaca ñucapajmi. Chaimantami jucha illaj Espirituca ñuca yachachicushcamanta japishpa cancunataca tucuita yachachinga nircani.

Mushuj Testamento Diospaj Shimi

¹⁵ Yaya tucui charishcaca, Ñucapajmi. Chaimantami ‘Paica Ñucapajta japishpa, cancunamanca yachachinga’ nircani.

Juan 16:15 Iomraidhean Croise

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Juan 17:10

Tucui ñucapaj cajca quiquinpajmi, tucui quiquinpaj cajca ñucapajmi. Chaimantami paicunamanta jatunyachishca cani.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 3:35

Yayaca Churita c'uyashpami, tucui imatapish paipaj maquipi churarca.

Colosenses 1:19

Dios pai ima shina cashcaca, Cristopi junda causachunmi munarca.

Colosenses 2:3

Yachaisapa canahuan, yuyaisapa canahuan charij canaca Cristopimi pacashca tiyacun.

Colosenses 2:9

Dios tucui ima shina cashcaca, Cristopaj cuerpopimi causan.