Juan 16:13 - Dios Rimashca Shimicunami

¹³ Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Mushuj Testamento Diospaj Shimi

¹³ Shina cajpipish, Cashcatataj huillaj Espíritu shamushpamari, tucuita alli yachachinga. Paipaj quiquin yuyaillamantaca, mana rimangachu. Ashtahuanpish tucui imalla uyamushcatami cancunamanca rimanga. Shamuj punllacunapi imalla tucuna cashcatapishmi, yachaj chayachinga.

Juan 16:13 Iomraidhean Croise

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 16:12

Cancunata yachachinataca achcata charinirajmi. Ashtahuanpish cunanca mana tucuita entendi tucunguichijchu.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Juan 8:38

Ñucaca Yayapaj c'uchupi cashpami paimanta imata ricushcata huillani. Cancunaca cancunapaj yayahuan cashpami pai rurai nishcata ruracunguichij– nircami.

Hechos 11:28

Paicunapuramanta Agabo shuti runa shayarishpami, Taita Diospaj Espíritu huillachijpi, tucui cai pachapi causajcunapajca jatun yaricai tiyana cashcata huillarca. (Chaica, Claudio mandacui punllacunapimi chashna tucurca.)

Hechos 20:23

Caillatami yachani. Jucha illaj Espirituca, mai pueblopipish cashnami huillan. Prezujcuna, jatunta llaquichijcunami cantaca shuyacun ninmi.

Hechos 27:24

Chai angelmi ñucataca: “Pablo, ama manchaichu. Canca Cesarpajman chayanatajmi cangui. Canmantaca tucui canhuan rijcunatami Taita Diosca, huañuimanta quishpichisha ninmi” nirca.

2 Tesalonicenses 2:12

Paicunaca mana llullashpa huillashcata mana crisha nishpa, ashtahuanpish millaita ruranata munashpa rurashcamantami tucuicuna jatun llaquiman cachashca cangacuna.

2 Tesalonicenses 2:3

¡Cancunataca ima shinapish pi ama umachun! Pai shamunapajca crishcata saquijcuna, chingarinaman rinapaj caj juchasapa runarajmi ricuringa.

Hebreos 1:1

Ñaupa punllacunapica ñucanchij yayacunamanca, achca cutin tucui layami profetacunata huillachishpa Diosca rimarca.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

1 Juan 4:6

Ñucanchijca, Diospajmi canchij. Diosta rijsijmi, ñucanchijtaca uyan. Mana Diospaj cajca, ñucanchijtaca mana uyanchu. Chaipimi mana llulla Espirituhuan cashcata, mana cashpaca pandachij espirituhuan cashcatapish rijsinchij.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 1:19

Can imallata ña ricushcata, cunan imalla cajtapish, q'uipata imalla tucuna cashcata ricushcatapish quillcai.