Juan 15:7 - Dios Rimashca Shimicunami

⁷ Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Mushuj Testamento Diospaj Shimi

⁷ Ñucamanta mana raquirishpa, Ñuca yachachishcatapish caźushpaca, tucui imatapish mañaichijlla, Yayaca cungallami.

Juan 15:7 Iomraidhean Croise

1 REYES 3:5

Gabaonpi Salomón cajpimi Mandaj Diosca shuj tuta muscuipi paiman ricurishpaca: “Can imata nishcata mañailla, ñucaca cushallami” nirca.

JOB 22:26

Chashna cashpaca, Tucuita Rurai Tucuj Diosmantami cushicungui. Cambaj ñahuihuanca Taita Diosta huichilla ricunguillami.

JOB 23:12

Paipaj shimihuan mandashcamantaca, shuj cutinllapish manataj caruyarcanichu. Paipaj shimicunataca, ñuca micunatapish yallimi chai yuyai causarcani.

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

SALMOS 37:4

Mandaj Diosllahuan cushicui. Cambaj shungupi yuyashcataca paimi cunga.

PROVERBIOS 10:24

Diosta mana manchaj runaca imata manchashpapish, chaitajmi tucunga. Ashtahuanpish cashcata rurajcunamanca, paicuna munashcatatajmi cunga.

PROVERBIOS 4:4

Chaimantami ñuca yayaca cashna yachachij carca: “Ñuca cushca yuyaicunataca cambaj shungupi charingui. Ñuca mandashcacunata cazushpami, sumajta causangui.

ISAÍAS 58:8

Chashna rurajpica cambaj shungu pacarijpi inti llujshishpa achijyachij shinami achijyanga. Can quishpirinaca utcami chayamunga. Can cashcata ruranaca canta ñaupashcami ringa. Mandaj Diospaj achij nicuj sumajmi huashataca canta cuidanga.

JEREMÍAS 15:16

Tucuita Mandaj Dioslla, ñucaca canhuanmi casha nihuarcanguimari. Chaimantamari cambaj shimicunata ñucaman cujpica, cushicushpa ñuca shungupi chasquij carcani. Cambaj shimi uyarijpica, japishcahuanmari micuj carcani.

Mateo 7:7

Mañaichij, paica cungami. Mashcaichij, japinguichijmi. Huasiyuj nichij, paica pascangami.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 16:23

Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Juan 8:31

Jesusca, paita crij judiocunataca cashnami nirca: –Ñuca yachachishcacunata catirashpaca, ñuca yachacujcunatajmi canguichij.

Juan 8:37

Abrahampaj huahua huahuacuna cajtaca yachanitajmari. Shina cashpapish, ñuca yachachishcacunaca mana cancuna munashca cajpi mana chasquishpami, ñucataca ima shinapish huañuchishun nicunguichij.

Gálatas 4:2

Chashna cashpami, yaya ricuchina punlla pajtangacama ricujcunapaj, cuidajcunapaj ucupiraj.

Gálatas 5:16

Cashnami nini: Espíritu nishca shina purichij. Aicha munaicunapica, ama cushicuichijchu.

DEUTERONOMIO 6:6

Cunan ñuca canman imalla yachachishcacunataca cambaj shungupi alli huaquichingui.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

1 Juan 2:14

Yayacuna, callarinapaj ña tiyajta rijsijcuna cajpimi, cancunamanca quillcarcani. Q'uipa huiñaicuna, sinchi crijcuna cashpa, Diospaj Shimi nishca shina causashpa, diablota mishajcuna cajpimi cancunamanca quillcarcani.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

1 Juan 3:22

Dios mandashcacunata cazushpa, pai munashcacunata paipaj ñaupajpi ruracushcamantaca, ñucanchijca imata mañashpapish paimantaca chasquishunllami.

1 Juan 5:14

Pai munashca shina imatapish mañajpica, paica uyashpa cujlla cashcata yachashcamantami paipi shunguta churanchij.