Juan 15:5 - Dios Rimashca Shimicunami

⁵ Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Mushuj Testamento Diospaj Shimi

⁵ Ñucaca uva yurami cani, cancunaca ramacunami canguichij. Pipish Ñucamanta mana raquirishpa, Ñucapish paimanta mana raquirijpica, achca granota aparij yura shinami canga. Ñucamanta chʼicanyashpaca, imata mana rurai tucunguichijchu.

Juan 15:5 Iomraidhean Croise

PROVERBIOS 11:30

Cashcata rurajcuna ima rurashcacunaca, causaita cuj yura shinami. Yachaisapa cashpamari, shujtajcunatapish alli ñanpi churancuna.

OSEAS 4:8

Curacunaca ñuca agllashcacuna juchallishcamanta cushcacunatami micuncuna. Chaimanta ñuca agllashcacuna ashtahuan juchallichunmi yuyancuna.

Mateo 13:21

Ashtahuanpish paipi sapi mana ucujta cajpimi llaqui japijpi, alli huillaita caticushcamanta llaquichina yuyailla llaquichijpica, ñitcarishpa manarajpish unipi ña saquirinlla.

Juan 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa huañushpaca achca granotami p'ucun. Chaica chashnatajmi.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 9:33

Taita Dios mana cachashca cashpaca, paica imata mana rurai tucunmanchu– nircami.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Romanos 12:5

Ñucanchijca achcacuna cashpapish, Cristopica shuj cuerpollami canchij. Chashna cashcamantami, caishuj chaishuj shuj cuerpopajlla miembrocuna canchij.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Romanos 7:4

Chashnallataj ñuca huauquicunalla, cancunaca Cristopaj cuerpomantaca, Mandashcata ama rurangapajca huañushcami carcanguichij. Huañushcacunapaj chaupimanta causarijpaj cashcamanta, Diospajca alli granota p'ucuna yuyailla causashunchij.

1 Corintios 10:16

Dios cushca copamanta pagui nishpaca ¿manachu Cristopaj yahuarmanta shujlla canchij? Tandata chaupishpaca ¿manachu Cristopaj cuerpomanta shujlla canchij?

1 Corintios 12:12

Cuerpoca shujlla cashpapish, achca miembrocunatami charin. Cuerpopaj miembrocunaca achcacuna cashpapish, tucuicunami chai cuerpopajlla, chashnallatajmi Cristopaj cuerpopish.

1 Corintios 12:27

Cancunaca Cristopaj cuerpomi canguichij. Cada quiquin chai cuerpopaj miembrocunami canguichij.

2 Corintios 13:8

Ñucanchijca mana llullata mana allichu nijcunaca mana canchijchu, ashtahuanpish mana llullata alli nijcunami canchij.

2 Corintios 9:10

Tarpuchun muyuta cuj, micunatapish caraj Diosllatajmi cancuna tarpushca chagratapish mirachinga. Cashcata ruranata tarpushcamantaca, paillatajmi ashtahuan mirachinga.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

Efesios 5:9

(Espiritupaj granoca, tucuipi alli cajmi, cashcata rurajmi, mana llulla canapishmi).

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Filipenses 4:17

Imatapish cuchun mashcashpa mana chashna ninichu. Ashtahuanpish jahua pachapi yallijta cancuna charijyachunmi munani.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

1 Pedro 2:4

Jesucristoman c'uchuyaichij. Paica causaj rumimi. Runacuna mana munashpa shitashcami. Ashtahuanpish Diospajca agllashca achca valijmari.

2 Pedro 3:18

Chaipaj randica, mana c'uyaipajta c'uyaj cashcata ñucanchijta Mandaj Quishpichij Jesucristota ashtahuan rijsishpa huiñaichij. Cunanpish, huiñai huiñaitapish paica sumajmari nishca cachun. Chashna cachun.