Juan 15:4 - Dios Rimashca Shimicunami

⁴ Cancunaca ñucahuan shuj shinalla catichij, ñucapish cancunahuanca shuj shinallami casha. Ima shinami ramaca yurapi mana cashpaca, paillatajca mana p'ucui tucun. Ñucahuan mana shuj shinalla catishpaca, cancunapish chashnallatajmi mana p'ucui tucunguichij.

Mushuj Testamento Diospaj Shimi

⁴ Cancunaca Ñucahuan caichijlla, Ñucapish cancunahuan cashami. Uvas yura ramaca, yuramanta chʼicanyashpa, paillaca mana granota pʼucui tucunchu. Cancunapish Ñucamanta chʼicanyashpaca, manataj imata rurai tucunguichijchu.

Juan 15:4 Iomraidhean Croise

CANTARES 8:5

¿Paipaj c'uyashcapaj rigra jahuapi sirishpa, shitashca pambamanta huichiyacujca pi huarmitagari? Manzana yura ucupimari rijchachircani. Chaipimari cambaj mamataca, huachana nanai japirca. Chaipimari cambaj mamaca cantaca huacharca.

OSEAS 14:8

Efrainca: Rurashca dioscunaca ñucapajca imapaj mana valinchu ningami. Chashna nijpica ñucaca pai mañashcataca uyashami, ricushami”. Ñucaca paipajca verdijlla pino yura shinami casha. Ñucapimi p'ucushca granotaca japinga.

Mateo 12:33

Alli yura cajpica, alli granomi p'ucun. Mana alli yura cajpica, mana alli granomi p'ucun. Ima yura cashcataca granota p'ucujpimi rijsinchij.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Juan 14:20

Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.

Juan 17:23

Paicunaca pi mana juchachipaj shuj shinalla cachunmi, paicunahuan shujlla cani. Canhuan ñucahuanpish shujllami canchij. Chashna cajpimi cai pachapaj cajcunaca, ñucataca can cachashca cashcata yachangacuna. Ñucata ima shina c'uyaj shinallataj paicunatapish c'uyashcatami yachangacuna.

Juan 6:56

Maijanpish ñuca aichata micujca, ñuca yahuarta ubyajca ñucahuanmi, ñucapish paihuanmi cani.

Juan 8:31

Jesusca, paita crij judiocunataca cashnami nirca: –Ñuca yachachishcacunata catirashpaca, ñuca yachacujcunatajmi canguichij.

Hechos 11:23

Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

2 Corintios 13:5

Crijtaj cashcataca cancunallataj alli ricurichigari. ¿Ima shina cashcataca cancunallataj ricurichigari? ¿Manachu cancunallataj rijsiri tucunguichij? Jesucristo cancunapi cashcata mana yachashpaca, mana alli crijcunami ricuringuichij.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

Colosenses 2:6

Chaimanta ima shinami Mandaj Jesucristota chasquircanguichij, chai shinallataj paihuan shuj shinalla purichij.

1 Tesalonicenses 3:5

Chai llaquicunahuan cajta yachashpa mana cungari tucushpami, cancuna crishcapi ima shina caticujta yachangapaj Timoteota cacharcani. Umaj diablo cancunata umajpica, ñucanchij trabajo yanga tucunatami mancharcani.

Hebreos 10:39

Ashtahuanpish ñucanchijca huashaman tigrarij, chingarijcunapuraca mana canchijchu. Chaipaj randica, crishcamantaca quishpichishcaman chayangacama catijcunami canchij.

1 Juan 2:6

Maijanpish Dioshuan shujllami cani nijca, Jesucristo causashca shina causachun.

2 Juan 1:9

Cristomanta yachachishcapi mana catirashpa maijanpish chingachijca, Diostaca mana charinchu. Cristomanta yachachishcapi maijanpish catirajmi Yayatapish, Churitapish charin.