Juan 15:26 - Dios Rimashca Shimicunami

²⁶ Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Mushuj Testamento Diospaj Shimi

²⁶ Ashtahuanpish Cushichijta Ñuca Yayapajmanta Ñuca cachajpi, Paimi Ñucamanta huillanga. Paica cashcatataj huillaj Espiritumi.

Juan 15:26 Iomraidhean Croise

Lucas 24:49

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 16:7

Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 1:4

Jesusca paicunahuan cashpaca, cashna nishpami mandarca: –Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.

Hechos 15:8

Tucuicunapaj shunguta rijsij Taita Diosca mana judiocunatapish chasquishcata ricuchingapajmi, paicunamanpish ñucanchijman shinallataj jucha illaj Espirituta curca.

Hechos 5:32

Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.

1 Corintios 1:6

Cristomanta ima shina cashcatataj huillashcamantami, cancunapurapica chashnaca tucushcanguichij.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.