Juan 15:24 - Dios Rimashca Shimicunami

²⁴ Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

Mushuj Testamento Diospaj Shimi

²⁴ Pi shujtaj mana rurashca allicunata paicunapaj Ñuca mana rurashca cajpica, paicunaca juchayuj cashcata mana yachanmanchu carca. Ashtahuanpish cunanca chai tucuita ricushca jahuamari Ñucatapish, Ñuca Yayatapish pʼiñancuna.

Juan 15:24 Iomraidhean Croise

SALMOS 81:15

Mandaj Diosta p'iñajcunaca israelcuna mandashcami causanman carca. Israelcunapaj causaica huiñaitami alli canman carca.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

PROVERBIOS 8:36

Ashtahuanpish ñucata p'iñajca, quiquin causaitami llaquipi churan. Ñucata p'iñajcunaca huañuitami munancuna.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 21:32

Juanca cashcata ruraj tucunapaj ñanmanta yachachingapajmi cancunapajmanca shamurca. Pai yachachishcataca mana crircanguichijchu. Ashtahuanpish impuestota japijcuna, huainayashpa causaj huarmicunarajmi crircacuna. Cancunaca chaita ricushpapish Juanca allitami huillacun nishpa mana yuyaita japircanguichijchu. Chaimi mana cutirishpa mana crircanguichij.

Mateo 9:33

Supaita Jesús llujshichincami, mana rimaj runaca rimarca. Chaipi caj gentecunaca mancharinacushpami: –Cashnataj rurajtaca, Israelpica manataj ricushcanchijchu– nircacuna.

Marcos 2:12

Chaimi paica, jatarishcahuan huandumushcata apashpa, tucuicunapaj ñaupajmanta llujshishpa rijpi, tucuicuna mancharinacushpaca: –Chashna alliyachijtaca manataj ricushcanchijchu– nishpami, Taita Diosta jatunyachircacuna.

Lucas 24:19

Jesusca: –¿Imataj tucushca?– nishpa tapujpi, paicunaca: –Nazaretmanta caj Jesusmantami parlanacucunchij. Paica Taita Diospaj ñaupajpipish, gentecunapaj ñaupajpipish allita ruraj, allita rimaj, tucuita rurai tucuj profetami carca.

Juan 10:32

Chashna shitashun nijpimi Jesusca: –Ñuca Yaya mandajpi cancunapaj ñaupajpica cai tucui allicunatami rurarcani ¿maijan chaicunamantataj rumihuan shitashun ninguichij?– nirca.

Juan 10:37

Ñuca Yaya rurashca shina mana rurajpica, ñucataca ama crichijchu.

Juan 12:10

Ashtahuanpish curacunata mandajcunaca Lazarotapish huañuchishun nishpami yuyarinacurcacuna.

Juan 12:45

Pipish ñucata ricujca, ñucata cachajtapishmi ricun.

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 15:21

Ñucata cachajta mana rijsishcamanta, ñuca shutita p'iñashpami tucui caicunataca chashna rurangacuna.

Juan 15:22

Ñuca mana shamushca cajpi, paicuna juchayuj cashcata ñuca mana huillashca cajpica, juchayuj cashcataca mana yachanmanchu carca. Cunan paicunaca ñucanchijca mana juchayuj canchijchu mana ni tucuncunachu.

Juan 15:23

Maijanpish ñucata p'iñajca, ñuca Yayatapish p'iñanmi.

Juan 16:9

Juchayuj cashcata yuyachinaca, ñucata mana crishcamanta, jucha cashcata yuyachinami.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 5:36

Ñuca Yaya rurai nishcatami ñucaca ruracuni. Chaita ñuca rurashcacunallatajmi Juan huillashcatapish yalli ñucataca ñuca Yaya cachashca cashcata ricuchicun.

Juan 6:36

Ña nishca shinallataj ñucata ricushpapish, mana cringuichijchu.

Juan 7:31

Chaipi cajcunamanta achcacuna Jesusta crishpaca: –Pai mana Cristo cajpica Cristo shamushpaca ¿cai runa rurashcacunatapish yallitachu ruranga imashi?– nircacunami.

Juan 9:32

Mana ricuj huacharishcata pi alliyachin nijtaca, manataj uyashcanchijchu.

Juan 9:41

Chaimi Jesusca: –Mana ricujcuna cashpaca, jucha illajcunami canguichijman. Ashtahuanpish cunanca: “Ricujcunami canchij” nishcamantaca juchayujcunallatajmi saquiringuichij.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

Romanos 1:30

Huashalla parlajcuna, yangamanta juchachijcuna, Taita Diosta p'iñajcuna, yanganchishpa c'amijcuna, jatun tucushcacuna, yanga jatun tucujcuna, millaita ruranata yuyarinacujcuna, yaya mamatapish mana cazujcunami.

DEUTERONOMIO 5:9

Chaicunataca ama cunguringuichu, paicunapajca ama imata ruranguichu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna millaita rurashpa ñucata p'iñachijpica quimsa huahua huahuacama mana cashpacarin chuscu huahua huahuacamami llaquichini.

2 Timoteo 3:4

quiquinpurallatataj llaquipi churajcuna, jahualla p'iñarijcuna, imapish mana caipajta yuyajcuna, Taita Diosta mashcanapaj randica aicha munaipi cushicunallatami c'uyangacuna.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.