Juan 15:21 - Dios Rimashca Shimicunami

²¹ Ñucata cachajta mana rijsishcamanta, ñuca shutita p'iñashpami tucui caicunataca chashna rurangacuna.

Mushuj Testamento Diospaj Shimi

²¹ Ashtahuanpish Ñucata caticujpica, Ñucata Cachajta mana rijsishcamantami, chashna tucui laya llaquichingacuna.

Juan 15:21 Iomraidhean Croise

SALMOS 69:7

Quiquinta c'uyashpami llaquicunata aparcani. Ñahuita maipi mana churai tucujtamari pingarini.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

Mateo 10:18

Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca apashca canguichij. Jatun mandajcunamanpish mana israelcunamanpish ñucamanta huillachunmi chashna apashca canguichij.

Mateo 10:22

Ñuca shutimantaca tucuicuna p'iñashcami canguichij. Ashtahuanpish tucuringacama catirajllami quishpiringa.

Mateo 10:39

Pipish paipaj causaita c'uyajca, chingaringami. Pipish ñucamanta paipaj causaita chingachijca huiñai causaitami japinga.

Mateo 24:9

Chai punllacunapica cancunataca llaquichichun prezuchingacunami, huañuchingacunami. Ñucata caticushcamantaca tucuicunami p'iñangacuna.

Mateo 5:11

Ñucata caticushcamanta tucui laya millai shimicunata rimashpa, llullashpa, c'amishpa, llaquichina yuyailla llaquichijpi llaquita apajcunaca cushichishcami.

Marcos 13:13

Ñuca shutimantaca, tucuicuna p'iñashcami canguichij. Ashtahuanpish tucuringacama catirajllami quishpiringa.

Lucas 21:12

Manaraj chashna tucujpica, cancunataca prezu apangacunami. Catirashpa llaquichingacunami. Sinagogacunaman, carcelcunamanpishmi apangacuna. Ñucata caticushcamantaca jatun mandajcunapajman, llajtata mandajcunapajmanpishmi apangacuna.

Lucas 21:17

Ñucata caticushcamantaca tucuicuna p'iñashcami canguichij.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Juan 15:24

Nunca pi mana rurashcata paicunapaj ñaupajpi ñuca mana rurashca cajpica, juchayuj cashcataca mana yachanmanchu carcacuna. Cunanca ashtahuanpish juchayuj cashcata ricuchishcamantami ñucatapish, ñuca Yayatapish p'iñancuna.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 8:19

Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

Juan 8:54

Chaimi Jesusca: –Ñucallataj allimi cani nirijpica, ñuca allimi cani nirishcaca yangallami canman. Ñuca Yayami ñucataca alli nin. Paillatatajmi cancunapish ñucanchij Taita Diosmi nicunguichij.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

Hechos 17:23

Cancunapaj pueblota puricushpaca cancunapaj dioscunata adorana altarcunatami ricurcani. Chai dioscunapaj pircashca altarcunapaj shuj altarpica: “Mana rijsishca Diospaj” nishpa quillcashcatami ricurcani. Chaitaca mana rijsishpapish adoracunguichijmi. Ñucapish chai Taita Diosmantami cancunamanca huillacuni.

Hechos 26:9

Nazaretmanta Jesusta caticujcunata llaquichinaca alli cashcatami ñaupaca ñucapish yuyarcani.

Hechos 3:17

Caipi caj tucui huauquicuna, cancunapish, cancunapaj mandajcunapish imata ruracushcata mana yachashpa Jesusta huañuchishcatami yachani.

Hechos 4:17

Shina cajpipish paicuna chashna ruracushcaca, ama ashtahuan yacharichun, cunanmanta pacha chai runapaj shutimantaca, ama piman huillachun manchachishunchij– nircacunami.

Hechos 5:41

Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna.

Hechos 9:14

Cunan caipipish cambaj shutipi tucui mañajcunata prezungapajmi, curacunata mandaj curacuna cushca quillcashcata charicun– nircami.

Hechos 9:16

Ñucamanta pai imalla llaquicunata apanataca ñucami paiman ricuchisha– nircami.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

1 Corintios 2:8

Diospaj yachaitaca, cai pachata maijan mandajpish mana rijsircachu. Rijsishca cashpaca, sumaj achij nicujmanta Mandajtaca manataj chacatanmanchu carcacuna.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

3 Juan 1:7

Paicunaca Jesusta c'uyashcamantami, paimanta huillanaman llujshircacuna. Chaimi paicunaca mana judiocunaman huillashpaca imata mana japishpa huillacuncuna.

Apocalipsis 2:3

Canca achca llaquicunatapish apashcanguimi. Mana p'iñarishpa alli shunguhuanmi catishcangui. Ñuca shutita c'uyashcamantaca shaicuita trabajacushpapish saquishalla mana nishcanguichu.