Juan 15:20 - Dios Rimashca Shimicunami

²⁰ “Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Mushuj Testamento Diospaj Shimi

²⁰ Ñami cancunamanca: “Servijca mana amota yallichu” nircani, chaita yuyarichigari. Ñucata pʼiñashpa llaquichishca shinallatajmi, cancunatapish pʼiñashpa llaquichingacuna. Ñuca huillashcata caźushpaca, cancuna huillashcatapish caźungacunami.

Juan 15:20 Iomraidhean Croise

EZEQUIEL 3:7

Ashtahuanpish israelcunaca can huillashcataca, manataj uyasha ningacunachu. Paicunaca ñucataca mana uyasha nincunachu. Tucui israelcunami rumi umacuna, ch'ahuan shungucuna.

Mateo 10:24

Yachacujca paita yachachijtaca mana yallichu. Amopajta rurajpish paipaj amotaca mana yallichu.

Marcos 10:39

paicunaca: –Ari, chashna rurai tucunchijmi– nircacuna. Chaimi Jesusca: –Ñuca ubyashca vasomantapish ubyanguichijmi, ñuca imahuan bautizarishcapipish bautizaringuichijmi.

Lucas 2:34

Simeonca Dios allicunata cuchun nishca q'uipami Jesuspaj mama Mariataca: –Cai huahuataca, cai Israelpica achcacuna urmanapaj achcacuna jatarinapajmi churashca. Paica achcacuna Diosta p'iñana cashcata ricuchijmi canga.

Lucas 6:40

Yachacujca paita yachachijtaca mana yallichu. Yachanata tucuchishpami paita yachachij shina tucunga.

Juan 10:31

judiocunaca Jesusta huañuchishun nishpa cutin rumicunata japircacuna.

Juan 11:57

Curacunata mandajcunapish, fariseocunapish Jesús maipi cashcata maijanpish yachashpaca, huillaj shamuchun paita japigringapaj nishpami, shuj mandashcata churashcacuna carca.

Juan 13:16

Amopajta rurajca mana paipaj amota yallichu. Mandashpa cachashcapish mana cachajta yallichu. Chaica chashnatajmi.

Juan 5:16

Samana punllapi alliyachishca cashcamantami judiocunaca, p'iñarishpa Jesustaca ima shinapish huañuchinata yuyacurcacuna.

Juan 7:32

Jesusmanta tucuicuna chashna parlanacucujta fariseocuna uyashpaca, curacunata mandajcunahuan, fariseocunahuan tucushpami Jesusta prezu japimuchun soldadocunata cacharcacuna.

Juan 8:51

Pipish ñuca yachachishcacunata cazujca, manataj huañungachu. Chaica chashnatajmi canga– nijpimi,

Juan 8:52

judiocunaca: –Abrahampish, profetacunapish huañurcami. Canca: “Pipish ñuca yachachishcacunata cazujca mana huañungachu” ninguimi. Cunantajca cantaca supai japishca cashcatami yachanchij.

Juan 8:59

Chashna nijpica Jesusta shitangapajmi rumicunata japircacuna. Ashtahuanpish Jesusca pacatucushpami, Taita Diospaj huasimanta paicunapaj chaupillatataj llujshishpa rirca.

Hechos 14:22

Chai pueblocunapica, Jesusta catijcunamanca Pablohuan, Bernabehuanca ashtahuan catina yuyaita cushpami, cashna shina llaquicunata apashpami: “Taita Dios mandacujpica, chaiman yaicushun” nishpami allitaj yachachircacuna.

1 Corintios 4:12

Ñucanchij quiquin maquihuanmi shaicuita trabajacunchij. Llaqui tucunman nijcunatapish paicunapish llaqui tucushca canman mana ninchijchu. Ñucanchijta catirashpa llaquichijpipish, apanchijllami.

2 Corintios 4:9

Catirashpa llaquichishcacunami canchij, ashtahuanpish mana shitashcatajchu canchij. Urmachishcacunami canchij, ashtahuanpish ñutuchishcacunaca mana canchijchu.

1 Tesalonicenses 2:15

Chaicunallatajmi Mandaj Jesustapish, paicunapaj quiquin profetacunatapish huañuchircacuna. Ñucanchijtapish llujshichishpami cacharcacuna. Taita Diostaca mana cushichincunachu, tucui runacunatapish jarcancunami.

2 Timoteo 3:12

Cristo Jesushuan shujlla tucushpa pai yuyailla causasha nijcunaca tucuicunallatajmi catirashpa llaquichishca canga.

1 SAMUEL 8:7

Chaimi Mandaj Diosca Samueltaca: “Tucui paicuna ima nishcataca uyailla. Mana cantachu yanganchin. Ashtahuanpish ñuca paicunata ama mandachunmari ñucata yanganchin.