Juan 15:2 - Dios Rimashca Shimicunami

² Ñucapi caj ramacuna maijanpish mana p'ucujpica anchuchingami. Maijanpish p'ucujpica, ashtahuan p'ucuchun mana allita anchuchirangami.

Mushuj Testamento Diospaj Shimi

² Paimi Ñucapi tiyaj ramacuna maijanlla mana pʼucujtaca pʼitinga. Maijanpish alli pʼucujpica, ashtahuan pʼucuchun allichirangami.

Juan 15:2 Iomraidhean Croise

JOB 17:9

Chashna cajpipish cashcata rurajca, cashcata rurashpallataj catingami. Mapa illaj maquicunahuan cajpish, paipaj fuerzataca mirachingami.

SALMOS 92:14

Yuyaj cashpapish, miraricungarajmi. Fuerzasapa, verdijllacunami cangacuna.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

ISAÍAS 27:9

Chashna rurashpami Jacob millaita rurashcataca perdonanga. Rumimanta rurashca altarcunata tucui urmachishpa, cal rumicunata shina ñutu allpata saquishpa, Asera diosman rijchajcunataca ña manataj cutin rurashpa, intiman rijchaj dioscunatapish ña manataj rurashpami paicunapaj juchacunata perdonashcamanta p'ucushca granoca ricuringa.

ISAÍAS 29:19

Mana jatun tucushcacunaca Mandaj Diospi cushicungapajmi tigrangacuna. Tucuicunamanta yallitaj huajchacunapish, israelcunapaj jucha illaj Diospimi cushicungacuna.

DANIEL 11:35

Diosmanta yachaisapa cajcunamanta maijancunapish ima mapa illajllata, chuyata, yurajllata rurashca cangapajmi llaquichishca canga. Paicuna llaquita apanaca punlla pajtangacamallami canga. Shina cajpipish chai punlla pajtanapajca illanrajmi.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

MALAQUÍAS 3:3

Paica paipaj tiyarinapi tiyarishpami, levitacunapaj juchacunataca cullquita, curita ninapi rupachishpa mapata anchuchij shina anchuchinga. Chashna ima mapa illajlla cashpami, Mandaj Diosman imalla cuna cashcatapish cungapaj apamungacuna.

Mateo 13:12

Pacalla cajta maijanpish yachajmanca ashtahuan cujpi ashtahuanmi yachanga. Ashtahuanpish mana yachajtaca, pai ashalla yachashcatapish quichungami.

Mateo 13:33

Shujtaj yuyachij parlohuanca: “Jahua pachamanta mandacujpica, shuj huarmi quimsa taza cutapi levadurahuan chapujpi, tucuita p'unguillichij shinami canga” nircami.

Mateo 15:13

Ashtahuanpish Jesusca: –Maijan yurapish jahua pachapi caj ñuca Yaya mana tarpushca cajca, sapimanta llujshichishcami canga.

Mateo 21:19

higo yura ñan c'uchullapi cajta ricushpa c'uchuyarca. Ashtahuanpish chai yuraca, imata mana p'ucushca p'angacunalla cajta ricushpami: –¡Cunanmantaca canpica amataj p'ucuchun!– nijpica higo yuraca chaquircallami.

Mateo 25:29

Charijmanca ashtahuan cujpi, ashtahuanmi charinga. Ashtahuanpish mana charijtaca, pai ashalla charishcatapish quichushcami canga.

Mateo 3:10

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Mateo 3:12

Granota chuyanapaj palaca ñami paipaj maquipi. Paipaj trigotaca huaquichinapimi churanga. Ujshataca manataj huañuj ninapimi rupachinga” nircami.

Mateo 7:19

Mana alli granota p'ucuj yurataca, tucuicunatami p'itishpa ninapi shitan.

Marcos 4:20

Ashtahuanpish alli allpapi tarpushca shinaca, Taita Diospaj Shimita huillashcata uyashpa alli granota p'ucujmi. Chaica shuj muyullamanta quimsa chungata, sujta chungata, patsajta granojmi” nircami.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Juan 15:1

Ñucaca uva yuratajmi cani, ñuca Yayaca chagrayujmi.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 15:3

Cancunaca ñuca huillashca Shimicunata chasquishcamantaca ñami chuyacuna canguichij.

Juan 15:6

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.

Juan 15:8

Cancunaca ñuca yachacujcuna shinataj causashpa achca granota p'ucushpaca, ñuca Yayatami jatunyachinguichij.

Juan 17:12

Paicunahuan cai pachapi cashpaca, quiquin ñucaman cushcacunataca quiquinpaj maquipimi huaquichircani. Paicunaca shujllapish mana chingarircachu. Quillcachishcapi nishca pajtachunmi, chai chingarina cashca runalla chingarirca.

Romanos 11:17

Alli olivos yuramanta maijan ramacunata p'itishcapimi, cantaca sacha olivos rama cajpipish, chai alli olivos ramacunapaj randi churashcalla cangui. Chashna rurashca cashpami, canca alli olivos yura sapipaj sumaj yacullamanta causangui.

Romanos 11:22

Diosca alli cashcatapish, sinchita llaquichij cashcatapish yuyaringui. Paipi mana catirajpica, sinchita llaquichijtajmi, ashtahuanpish canhuan alli cashcata mana cungarijpica canhuanmi. Mana chashna cashpaca canpish anchuchishcami cangui.

Romanos 8:28

Diosta c'uyajcunapajca tucui ima llaquicunaca, paicunapaj allipajllataj shamuj cashcatami yachanchij. Chaicunaca, Dios imapaj cayashca shina cajcunapajllami.

1 Corintios 13:1

Gentecunapaj rimaicunapi, angelcunapaj rimaicunapi ñuca rimashpapish, c'uyaita mana charishpaca, fierro chilin nishca shina, platillo t'alaj nishca shinallami uyarini.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.

Apocalipsis 3:19

Ñucaca, ñuca c'uyashcacunatami tucuicunata sinchita rimani, llaquichini. Chaimanta mana alli ruracushcamanta cutirishpa, ñucapajlla cana yuyailla cai.