Juan 15:16 - Dios Rimashca Shimicunami

¹⁶ Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Mushuj Testamento Diospaj Shimi

¹⁶ Mana cancunachu Ñucata agllarcanguichij, Ñucamari cancunata agllarcani. Cancunataca, punllanta achca granota pʼucuj shina huillagrichunmi mingarcani. Granuj shina cancuna mirachishcaca manataj chingaringachu. Chashna cashpaca Ñuca shutipi tucui imatapish Yayata mañajpica, Paica cungallami.

Juan 15:16 Iomraidhean Croise

GÉNESIS 18:18

Abrahamca imatapish rurai tucuj jatun llajtami tucunga. Paimantami cai pachapi tiyaj tucui llajtacunapish alli nishca cangacuna.

SALMOS 145:4

Quiquin rurashcacunataca huahua huahuacuna alabacungallacunami. Tucuita rurai tucuj quiquin rurashcacunatami huillangacuna.

SALMOS 71:18

Taita Dios, ñuca ña yuyaj cajpipish ama shitahuaichu. Yuraj uma cajpipish, ama saquihuaichu. Quiquin tucuita rurai tucuj cashcata, q'uipa huiñaicunaman huillangacama ama saquihuaichu. Quiquin jatun cashcataca, q'uipa huahua huahuacunaman huillangacama ama saquihuaichu.

PROVERBIOS 11:30

Cashcata rurajcuna ima rurashcacunaca, causaita cuj yura shinami. Yachaisapa cashpamari, shujtajcunatapish alli ñanpi churancuna.

ISAÍAS 27:6

Jacobpaj sapi urata janajta rigarina punllacuna chayamungami. Israelcunamantaca retoñashpami sisanga. Tucui cai pachapimi p'ucushca granoca jundanga.

MIQUEAS 5:7

Jacobpaj huahua huahuacunamanta saquirishcacunaca achca llajtacunapica, Mandaj Dios cachashca shulla shinapish, q'uihuapi urmashca tamya shinapishmi cangacuna. Shullaca, huañujlla aichayuj runacuna cachachunca mana shuyanchu.

Mateo 21:22

Tucui imatapish crishpa Diosta mañashpaca, chasquinguichijmi– nircami.

Mateo 7:7

Mañaichij, paica cungami. Mashcaichij, japinguichijmi. Huasiyuj nichij, paica pascangami.

Lucas 6:13

Ña achijyajpica paita caticujcunata cayashpami, paicunapuramanta chunga ishquita agllarca. Paicunatami apostolcunata shutichirca.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.

Juan 15:19

Cai pachapaj cajpica, cai pachapaj cajcunaca paicunapaj cashcamanta c'uyanmanmi. Cai pachapaj cajcunahuan cajpipish ñuca agllajpimi, mana cai pachapaj canguichij. Chaimantami cancunataca cai pachapaj cajcunaca p'iñancuna.

Juan 15:5

Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Juan 6:70

Chaimi Jesusca: –Ñucaca cancunataca, chunga ishquitamari agllarcani. Ashtahuanpish cancunamanta shujca diablomari– nirca.

Hechos 1:24

Chaimi cashna nishpa, Taita Diosta mañarcacuna: “Jatun Dios canca, tucuicunapaj shungutami rijsingui. Cunan cai ishquimanta maijanta can agllashcata ñucanchijman ricuchihuai.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 10:41

Mana tucuicunaman ricurircachu. Tucui imallata ricushcata huillachun Taita Dios ñaupaman agllashca ñucanchijllamanmi ricurirca. Huañushcacunapaj chaupimanta causarishca q'uipaca, ñucanchijca paihuanmi micurcanchij, ubyarcanchij.

Hechos 22:14

Chaimi paica cashna nirca: “Ñucanchij ñaupa yayacunapaj Taita Diosmi pai munashcata rijsichun, pai cachashca Cashcata Ruraj rimashcatapish uyachun cantaca ñaupaman agllashca.

Hechos 9:15

Chaimi Mandaj Jesusca: –Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani.

Romanos 1:13

Huauquicuna, tauca cutin cancunapajman risha nicujpipish, imapish jarcajpi, caicama mana shamushcata yachachunmi munani. Caishuj mana judiocunapurapi charishca shinallataj, cancunapurapipish alli rurashcataca grano p'ucushcata shina charingapajmi shamusha nicuni.

Romanos 1:5

Paimantami mana c'uyaipajta c'uyaj canata, apóstol canatapish chasquircanchij. Chaimanta paipaj shutita c'uyashpami, tucui mama llajtacuna Jesucristota crichun huillacunchij.

Romanos 15:4

Chashna cajpica ñaupaman Quillcachishcacunaca, ñucanchijta yachachingapajmi quillcashca carca. Mana p'iñarishpalla, cushijlla, shuyana yuyailla canata yachachingapajmi quillcachirca.

Romanos 9:21

Allpamanta vasota rurajca ¿manachu chai masallamantataj shujtaca allipaj, caishujtaca ima yangapajlla rurai tucun?

1 Corintios 10:11

Tucui caicunaca ñucanchij ricuchunmi chashna tucurca. Cai tucuri punllacunapi ñucanchij causacujcunata sinchita cunangapajmi, chashna quillcashca tiyacun.

Gálatas 1:15

Ashtahuanpish mamapaj huijsapi cajpirajmi, Diosca pai munashcamanta ch'icanchirca. Paipaj mana c'uyaipajta c'uyaihuanmi ñucataca cayarca.

Efesios 2:10

Ñucanchijca Dios rurashcami canchij. Allicunata rurachun Cristo Jesuspi mushujyachishcacunami canchij. Chashna allicunata rurashpa purichunmi, Diosca ñaupaman allichirca.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.

1 Timoteo 2:7

Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.

2 Timoteo 1:11

Cai alli huillaita mana judiocunaman huillachun, apóstol cachun, yachachij cachun churashcami cani.

2 Timoteo 2:2

Achcacunapaj ñaupajpi ñuca yachachishcata uyashcataca, shujtajcunata yachachi tucuipaj, alli pajtachijcunaman mingai.

Tito 1:5

Ñuca mandashca shinallataj yachana illashcacunata yachachishpa, tucui pueblocunapi ancianocunata churachunmi Cretapi saquimurcani.

Hebreos 11:4

Crishcamantami Abelca, Caín cushcata ashtahuan yalli Dios chasquinalla sacrificiota curca. Chaimantami pai cushcata chasquishpaca cashcata rurajmi nirca. Chashnami Abel huañushca cajpipish pai alli crij cashcataca Diosca huillacunraj.

Santiago 3:18

Shujtajcunahuan sumajta causanata mashcajcunamanca Diosmi sumaj causaita, cashcata ruraj canata cunga.

1 Pedro 3:15

Chaipaj randica, cancunapaj shungupica Mandaj Taita Diosca jucha illajmi nichij. Cancunata imapajtaj Cristo yuyailla canguichij nishpa tapujpica, manso shunguhuan tucuicunaman sumajta huillangapaj allichirishca huillanalla,

1 Pedro 3:2

Cancunaca imapi mana juchachipaj, cazuj cajpimi chashnaca crij tucunga.

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.

1 Juan 4:19

Ñucanchijca pairaj c'uyashcamantami, paitaca c'uyanchij.