Juan 15:15 - Dios Rimashca Shimicunami

¹⁵ Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Mushuj Testamento Diospaj Shimi

¹⁵ Cunanmantaca cancunataca, ña mana Ñucata servijcuna nishachu. Servijca paipaj amo imallata ruracujtaca, mana yachanchu. Ashtahuanpish cancunaca, Ñucahuan alli apanacujcuna cajpimi, Ñuca Yaya imalla nishcataca tucuita yachaj chayachini.

Juan 15:15 Iomraidhean Croise

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

PROVERBIOS 18:24

Maijanpish paihuan apanacujcunamanca, apanacujtaj cashcata ricuchichun. Maijancunaca quiquin huauquindijtapish yallimi apanacuncuna.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

Mateo 13:11

Shina nijpi Jesusca: –Taita Dios mandagrin, pi mana yachashca pacalla cajtaca, cancunamanmi ricuchishca. Ashtahuanpish paicunamanca, chaitaca mana ricuchishcachu.

Lucas 10:23

Yachacujcunapajman tigrarishpaca, paicunallatami cashna nirca: –Cancuna ricucunta paicunapaj ñahuihuantaj ricujcunataca, cushichishcami canga.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 13:16

Amopajta rurajca mana paipaj amota yallichu. Mandashpa cachashcapish mana cachajta yallichu. Chaica chashnatajmi.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Juan 16:12

Cancunata yachachinataca achcata charinirajmi. Ashtahuanpish cunanca mana tucuita entendi tucunguichijchu.

Juan 17:26

Ñucaca quiquin ima shina cashcatami ricuchircani. Ashtahuan ricuchishpa caticushallami. Can ñucata c'uyashca c'uyaica paicunapi cachunmi ñucaca paicunahuan shujlla cani” nircami.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Hechos 20:27

Taita Dios imallata munashcataca, mana pacashpami tucuita huillarcani.

Romanos 7:15

Imata ruracushcatapish mana entendinichu. Rurasha nishcataca mana ruranichu, ashtahuanpish p'iñacushcatarajmi rurani.

1 Corintios 2:16

Jatun Diospaj yuyaitaca ¿pitaj yacharcari? Paitaca ¿Pitaj yachachingari? Ñucanchijca, Cristopaj yuyaitami charinchij.

Gálatas 4:6

Chaimantami paipaj huahuacuna canguichij. Diosca cancunapaj shungucunamanca paipaj Churipaj Espiritutami cacharca. Paimi: “¡Ñuca Yayitu!” nishpa caparicun.

Efesios 1:9

Alli yuyarishca pi mana yachashca pai munashca shina rurasha nicushcataca ñucanchijmanmi ricuchirca. Chaitaca ñaupamanmi paillataj rurasha nishca carca.

Efesios 3:5

Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.

Colosenses 1:26

Patsaj patsaj huatacuna ñaupaman causajcunapajca, pi mana yachashca pacallami cashca. Chaitaca cunan paipaj jucha illajcunamanmi ricuchishca.

Filemón 1:16

Cunanca ña mana cambajta ruraj shinallachu. Ashtahuanpish cambajta rurajtapish yalli c'uyashca huauquimari. Ashtahuantajca ñucapajmi chashna cambajcarin cambajta ruraj cashcamantapish, Mandaj Jesusta crij cashcamantapish ashtahuan allimari.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.

Santiago 2:23

Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.

2 Pedro 1:1

Jesucristopaj apóstol, paipajta ruraj Simón Pedromi cani. Cashcata ruraj ñucanchij Dios, Quishpichij Jesucristomantami cancunapish ñucanchij shinallataj alli sumaj crinata japircanguichij.

Judas 1:1

Jesucristopajta ruraj Judas, Jacobopaj huauquimi cani. Dios Yaya cayashpa, jucha illajta rurashpa agllashcacunamanmi quillcani: Cancunataca Jesucristomi huaquichicun.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.