Juan 15:14 - Dios Rimashca Shimicunami

¹⁴ Ñuca ima shina mandashca shinatataj rurashpaca, ñucahuan alli apanacujcunami canguichij.

Mushuj Testamento Diospaj Shimi

¹⁴ Ñuca mandashcata rurashpaca, Ñucahuan alli apanacujmi canguichij.

Juan 15:14 Iomraidhean Croise

1 REYES 4:5

Natanpaj churi Azariasca pueblocunapi churashca mandajcunata mandajmi carca. Natanpaj churi Zabudca curami carca. Jatun mandajman yuyaita cujmi carca.

2 REYES 18:6

Ezequiasca Mandaj Dios mandashcata Moisesman cushpa ima shinalla pajtachina cashcata mandashca shina huaquichishpa causashpami, Mandaj Diosllata catishpa paimantaca mana anchurirca.

2 CRÓNICAS 20:7

Ñucanchij Dioslla, canmari cai llajtapi causajcunataca, can agllashca israelcunapaj ñaupajpi shamushpa cai llajtamanta llujshichishpa cachashcangui. Chashna rurashpaca cai llajtataca, cutinca ama shujtajcunapaj cachunmi canhuan alli apanacuj Abrahampaj huahua huahua israelcunaman cushcangui.

ÉXODO 7:6

Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

PROVERBIOS 18:24

Maijanpish paihuan apanacujcunamanca, apanacujtaj cashcata ricuchichun. Maijancunaca quiquin huauquindijtapish yallimi apanacuncuna.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

ISAÍAS 41:8

“Israelcunalla cancunaca ñucapajta rurajcunamari canguichij. Jacob cantaca ñucahuan alli apanacuj Abrahampaj huahua huahuapuramantamari agllarcani.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

EZEQUIEL 12:7

Shina nijpimi ñucaca pai mandashca shina rurarcani, prezucuna apana quipita shinaca punllami llujshichircani. Chishitaca, ñuca quiquin maquihuanmi patataca jutcurcani. Chaimantaca paicuna ricucunpi, imalla apanata rigra jahuashpa, tutami llujshirircani.

Mateo 12:50

Maijanpish jahua pachapi caj ñuca Yayapaj munaita rurajcunami ñuca huauqui, ñuca pani, ñuca mamaca– nircami.

Lucas 12:4

Ñucahuan apanacujcuna cancunamanca caitami huillani: Cuerpota huañuchijcunataca, ama manchaichijchu. Huañuchishca q'uipaca, imata mana ashtahuan rurai tucungacunachu.

Juan 13:17

Cai nishcacunata alli entendishpa chaitataj rurashpaca cushichishcami canguichij.

Juan 14:15

Ñucata c'uyashpaca, ñuca mandashcacunata ruraichij.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 2:5

Chaimi paipaj mamaca servijcunataca: –Pai tucui imalla nishcata ruraichij– nirca.

Santiago 2:23

Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

RUT 3:6

Booz runapaj era patioman rishpa paipaj suegra ima shinalla mandashcata chashnataj rurarca.