Juan 15:11 - Dios Rimashca Shimicunami

¹¹ Chaicunataca ñuca cushicui cancunapi cachunmi chashnaca nini. Chaimi ñuca cushicuj shinallataj cushicunguichij.

Mushuj Testamento Diospaj Shimi

¹¹ Cancuna chashna cajpimi, Ñucaca cancunamanta cushicusha. Cancunapish chaimanta jatunta cushicuchunmi chashna nini.

Juan 15:11 Iomraidhean Croise

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

ISAÍAS 62:4

Chaipica cantaca: “Shitashcamari” nijcunaca ña mana tiyangachu. Cambaj llajtatapish ña manataj: “Shitashca llajtami” ningacunachu. Ashtahuanpish canca: “Mandaj Diospaj huarmimi” nishcami cangui. Cambaj llajtatapish: “Cusayujmi” ningacunami. Mandaj Diospaj c'uyai canhuan cajpi, cambaj llajtaca cusayuj cajpimi chashna ningacuna.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Lucas 15:23

Jatun fiestata rurashpa micungapaj huirayashca bizita pushamushpa huañuchichij.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Lucas 15:5

Japishpaca rigra jahuashpami, cushicushpa shamunman.

Lucas 15:9

Chaita japishpaca paipaj alli rijsishcacunata, c'uchullapi causajcunatapish tandachishpami: “Ñamari chingarishca cullquitaca japini, shamuichij ñucahuan cushicushunchij” nishpa cushicunmanmi.

Juan 16:24

Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

Juan 17:13

Cunanca ñucaca quiquinpajmanmi tigragrini. Ñuca cushicushca shinallataj paicunapish cushicuchunmi cai pachapi cashparaj chashna nini.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

Romanos 15:13

Cancuna pai yuyailla cashca Diosllataj paipi crijcunamanca cushi canata, sumaj causaita, jundachichun. Chashna cashpami, jucha illaj Espiritupaj poderhuanca Diospi ashtahuan shunguta churanguichij.

2 Corintios 1:24

Cashna chashna crishpami catina canguichij nishpaca, mana mandanchijchu ashtahuan cushicuchun nishpallami, chashnaca ninchij. Cancunaca crishcamantami sinchicuna canguichij.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

Filipenses 1:25

Cancuna crishcapi cushicuchun ayudangapaj, tucui cancunahuan catinaraj cashcataca, allimi yachani.

1 Tesalonicenses 5:16

Imapipish cushijllacuna caichij.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

1 Juan 1:4

Ñucanchijca cancunamanta cushicuna shinataj cushicungapajmi caitaca quillcanchij.

2 Juan 1:12

Achca quillcanacunatami cancunapajca charini. Papelpi, tintallahuanca mana quillcasha ninichu. Ashtahuanpish cushicuna shinataj cancunapish ñucanchijpish ñahui ñahui parlanacushpa cushicungapajmi, cancunapajman rinata shuyacuni.