Juan 15:10 - Dios Rimashca Shimicunami

¹⁰ Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Mushuj Testamento Diospaj Shimi

¹⁰ Ñucaca, Ñuca Yaya mandashcacunata huaquichishpami, Pai cʼuyashca causani. Chashnallataj cancunapish Ñuca mandashcacunata huaquichishpami, Ñuca cʼuyanajlla causanguichij.

Juan 15:10 Iomraidhean Croise

2 SAMUEL 22:22

Ñucaca Mandaj Diospaj ñanpimi purircani. Millaita rurashpa Diosmantaca mana caruyashcanichu.

2 REYES 18:6

Ezequiasca Mandaj Dios mandashcata Moisesman cushpa ima shinalla pajtachina cashcata mandashca shina huaquichishpa causashpami, Mandaj Diosllata catishpa paimantaca mana anchurirca.

ÉXODO 7:6

Moisespish, Aaronpish Mandaj Dios paicunata ima shinalla mandashca shinami tucuita rurarcacuna.

ISAÍAS 50:5

Mandaj Jatun Diosmi ñuca rinrinta pascarca. Ñucaca mana c'ariyarcanichu. Huashatapish mana ricuchircanichu.

Juan 10:18

Pi mana ñucataca huañuchi tucunchu, ashtahuanpish ñuca huañusha nijpimi huañuchingacuna. Ñucallataj huañui tucunimi, ñucallataj causari tucunimi. Chashna tucuchunmi ñucataca ñuca Yayaca mandarca nircami.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 14:15

Ñucata c'uyashpaca, ñuca mandashcacunata ruraichij.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 17:4

Ñucaca cai pachapica tucui quiquin ima nishcata rurashpami quiquintaca jatunyachini.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

1 Corintios 7:19

Circuncisionta rurashcapish, mana circuncisionta rurashcapish ima mana canchu. Dios mandashcacunata huaquichinamari tucuimanta yalli.

1 Tesalonicenses 4:1

Ashtahuanca huauquicuna, Mandaj Jesuspaj shutipimi cancunataca yuyachishpa animachishun ninchij. Ima shina causashpa Taita Diosta cushichinatami yachachircanchij. Chai shinami causacunguichij. Chashna causashpami ashtahuan ashtahuan yallitaj alli catinguichij.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

2 Pedro 2:21

Dios cushca mandashcata chasquishca q'uipa, tigrarinallataj cashpaca cashcata rurana ñanta mana rijsishca cashpachari alli canman carca.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 2:5

Maijanpish paipaj Shimita cazushpaca, Dios c'uyaj cashca shinallatajmi ashtahuan c'uyaj tucun. Chashna c'uyaj cashpami Cristohuan shujlla cashcata yachanchij.

1 Juan 2:6

Maijanpish Dioshuan shujllami cani nijca, Jesucristo causashca shina causachun.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.