Juan 14:6 - Dios Rimashca Shimicunami

⁶ Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Mushuj Testamento Diospaj Shimi

⁶ Shina nijpi Jesusca, cashnami nirca: —Ñucamari Ñanpish, cashcatataj Huillajpish, causaita Cujpish cani. Yayapajmanca, pipish Ñucallamantami shamui tucun.

Juan 14:6 Iomraidhean Croise

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 1:4

Paipimi causaica tiyarca. Chai causaimi, runacunapaj luz carca.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 15:1

Ñucaca uva yuratajmi cani, ñuca Yayaca chagrayujmi.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 6:33

Taita Dios cushca tandatajca, jahua pachamantami shamun. Paimi cai pachapi causajcunamanca causaita cun– nijpimi,

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Juan 6:57

Ñucata cachaj Yayaca causaiyujmi. Paimantami ñucaca causani. Chashnallatajmi maijanpish ñuca aichata micujca, ñucamanta huiñai causaita charinga.

Juan 6:68

Simón Pedroca: –Mandaj Jesús ¿pipajmantaj rishunri? Canmari huiñai causaita cuj shimicunataca charingui.

Juan 8:32

Chashna cashpami, mana llullataca rijsinguichij. Chai mana llullami huatashca shinamanta cacharichinga– nijpimi,

Juan 8:51

Pipish ñuca yachachishcacunata cazujca, manataj huañungachu. Chaica chashnatajmi canga– nijpimi,

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Hechos 9:2

paitaca: Damasco pueblopi caj sinagogacunaman yaicungapajmi quillcacunata mañarca. Jesusta caticujcunata c'aricunatapish, huarmicunatapish Jerusalenman prezu apamungapajmi chashna mañarca.

Romanos 15:16

mana judiocunapajpi Jesucristopajta rurashpa, Diospaj alli huillaita mingashcata alli apachun cushcamantami chashna yuyachini. Mana judiocunatapish jucha illaj Espíritu jucha illajta rurajpi, Dios munashca shina ofrenda cachunpishmi chashna quillcani.

Romanos 5:2

Paita crishcamantami, mana c'uyaipajta c'uyashcata chasquishcanchij. Chaipimi sinchicuna canchij. Chaimantami Diospaj sumaj cashcata chasquina yuyailla cushicucunchij.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

1 Corintios 15:45

Cashnapishmi quillcashca tiyacun: “Punta rurashca Adán runaca, causaj almayujmari” ninmi. Q'uipa Adanca, causaita cuj Espiritumari.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

Colosenses 2:17

Tucui chaicunaca, shamuna cashcata ricuchij llandumi. Ashtahuanpish chai shamujca Cristomi.

Colosenses 2:9

Dios tucui ima shina cashcaca, Cristopaj cuerpopimi causan.

Colosenses 3:4

Cancunaman causaita cuj Cristo ricurijpica, cancunapish pai sumaj cashca shinallatajmi ricuringuichij.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

Hebreos 9:8

Chashna cajpimi Diospaj carpa huasi punta ucu tiyacujpirajca, Diospajlla ashtahuan ch'icanchishca caishuj ucuman yaicuna ñanca manaraj tiyashcata Jucha illaj Espirituca yachachin.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

1 Pedro 2:4

Jesucristoman c'uchuyaichij. Paica causaj rumimi. Runacuna mana munashpa shitashcami. Ashtahuanpish Diospajca agllashca achca valijmari.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

1 Juan 1:8

Mana juchata charinchijchu nishpaca, ñucanchijllatajmi umarinchij. Chashna nishpaca llullanchijmi.

1 Juan 2:23

Jesusca mana Cristochu nijca, Yayatapish mana charinchu. Jesusca Diospaj Churimi nishpa huillajmi Yayatapish charin.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.

2 Juan 1:9

Cristomanta yachachishcapi mana catirashpa maijanpish chingachijca, Diostaca mana charinchu. Cristomanta yachachishcapi maijanpish catirajmi Yayatapish, Churitapish charin.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 20:15

Causanaman rinapaj libropi mana quillcashca cajca nina rupacuj cuchapimi shitashca carca.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin: