Juan 14:31 - Dios Rimashca Shimicunami

³¹ Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Mushuj Testamento Diospaj Shimi

³¹ Shina cajpipish cai pachapi causajcunaman Ñuca Yayata cʼuyashcata ricuchingapajmi, Ñuca Yaya mandashcata ruragrini. Jatarichij, caimanta jacuchij.

Juan 14:31 Iomraidhean Croise

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

ISAÍAS 50:5

Mandaj Jatun Diosmi ñuca rinrinta pascarca. Ñucaca mana c'ariyarcanichu. Huashatapish mana ricuchircanichu.

Mateo 26:39

Chaimanta ashallata rishpami, Jesusca cungurishpa cumurishpaca: “Ñuca Yayitu. Ima shinamanta jayajta ubyana shina llaquita mana apana cajpica, ñucamanta cai llaquita anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nishpami Diosta mañarca.

Mateo 26:46

¡Jatarichij, jacuchij! Riquichigari, ñucata huañuchichun entregajca ñami c'uchuyamucun– nircami.

Lucas 12:50

Shuj bautismopimi bautizarinaraj cani. ¡Chai pajtangacamaca llaquihuan huañucunimari!

Juan 10:18

Pi mana ñucataca huañuchi tucunchu, ashtahuanpish ñuca huañusha nijpimi huañuchingacuna. Ñucallataj huañui tucunimi, ñucallataj causari tucunimi. Chashna tucuchunmi ñucataca ñuca Yayaca mandarca nircami.

Juan 12:27

Cunanca, ñuca almaca llaquihuan huañucunmari. ¿Imatataj nishari? ¿Yayitu, cai jatun llaquita apachunca ama saquichu nishachu imamí? Maitataj chashnaca nishari llaquita apangapajtajmari shamurcani.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 15:9

Ñuca Yaya ñucata c'uyashca shinami, ñucapish cancunataca c'uyarcani. Chaimanta ñuca c'uyaipi shuj shinalla catichij.

Juan 18:11

Chashna rurajpimi Jesusca, Pedrotaca: –Cambaj espadata huaquichinapi churai. Ñuca Yaya cushca copataca ¿manachari ubyachun ningui?– nirca.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Filipenses 2:8

Runa caj shinallataj tucushpami, paillataj mana jatun tucurca. Huañungacama Diosta cazushpami, cruzpi huañurca.