Juan 14:30 - Dios Rimashca Shimicunami

³⁰ Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Mushuj Testamento Diospaj Shimi

³⁰ Cancunahuanca ña mana ashtahuan rimai tucugrinichu, cai pachata mandajca ñami shamucun. Shamushpapish, Ñucataca imata mana rurai tucunchu.

Juan 14:30 Iomraidhean Croise

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Hechos 1:3

Paicunamanmi Jesusca huañushca q'uipaca chuscu chunga punllacama pai causaj cashcata alli yachachun cutin cutin ricurirca. Chaipica Taita Dios mandacujpica ima shina cana cashcatami yachachirca.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.