Juan 14:26 - Dios Rimashca Shimicunami

²⁶ Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Mushuj Testamento Diospaj Shimi

²⁶ Ashtahuanpish Ñucapaj randi Ñuca Yaya cachashca Cushichij, jucha illaj Espíritu shamushpami cancunataca tucuita yachachinga. Paimi Ñuca imalla nishcatapish, tucuita yuyachinga.

Juan 14:26 Iomraidhean Croise

SALMOS 51:11

Quiquinpaj ñaupajmantaca, ñucataca ama anchuchihuaichu. Quiquinpaj jucha illaj Espiritutaca ñucamanta ama quichuichu.

ISAÍAS 54:13

Cambaj huahuacunaca tucuicuna Mandaj Dios yachachishcami canga. Cambaj huahuacunapaj sumaj causaica ashtahuanmi miraringa.

ISAÍAS 63:10

Ashtahuanpish paicunaca c'ariyashpami paipaj jucha illaj Espirituta p'iñachircacuna. Chaimantami Mandaj Diosca paicunahuan p'iñarishpa macanacurca.

Mateo 1:18

Jesucristo huacharishcaca cashnami: Paipaj mama Mariaca, Josehuanmi cazaranapaj ari ninacushca carca. Manaraj tandalla causashpami, Mariaca jucha illaj Espiritumanta chichu ricurirca.

Mateo 1:20

Pai chashna yuyacujpimi, Jatun Diospaj ángel muscuipi ricurishpaca: “Davidpaj huahua huahua José, cambaj huarmi Mariata chasquinataca ama manchaichu. Pai chichushca huahuaca, jucha illaj Espiritumantami.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Marcos 12:36

Davidllatajmi jucha illaj Espíritu yuyachijpica: “Jatun Diosca ñucata Mandajtaca: Canta p'iñajcunata cambaj chaqui sarunapi churangacama, ñuca alli ladoman tiyarilla” nirca.

Marcos 13:11

Cancunata pushajpica imatataj nishun, imatataj rimashun nishpa ama chai yuyailla canguichijchu. Cancuna ña rimagrijpimi, imalla rimana cashcataca Taita Dios rimachinga. Mana quiquin yuyaimantachu rimanguichij, ashtahuanpish cancunataca Taita Diospaj Espiritumi rimachinga.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 1:41

Elisabetpaj huijsapi caj huahuaca jaitarircallami. Chaipimi jucha illaj Espirituca Elisabetta japijpi,

Lucas 1:67

Juanpaj yaya Zacariasca, jucha illaj Espíritu rimachijpimi, ima shina tucunata cashna nishpa huillarca:

Lucas 11:13

Cancunaca mana allicuna cashpapish, cancunapaj huahuacunamanca imatapish allitamari cunguichij. ¿Manachu jahua pachapi caj cancunapaj Yayacarin jucha illaj Espirituta cuhuai nishpa mañajcunamanca cungalla?– nircami.

Lucas 2:25

Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Lucas 24:49

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Lucas 3:22

Jahua pachamantaca jucha illaj Espiritumi paloma shina cuerpoyuj paipaj jahuaman shamurca. Shinallataj jahua pachamantaca: “Canca ñuca c'uyashca Churimi cangui, canpimi cushicuita charini” nishpa rimashcapishmi uyarirca.

Juan 1:33

Ñucapish paitaca pi cashcata manaraj rijsircanichu. Ashtahuanpish yacupi bautizachun ñucata cachaj Taita Diosmi: “Maijanpaj jahuamanmi Espíritu uriyamushpa paipaj jahuapi saquirin. Chaimi jucha illaj Espirituhuan bautizajca canga” nirca.

Juan 12:16

Paipaj yachacujcunaca Jesús imamanta chashna ruracushcataca mana entendircacunachu. Jesusta Taita Dios jatunyachishca q'uipami, pai ima shinalla tucuna cashcacunaca Quillcachishcapi ña tiyacushcata yuyarircacuna.

Juan 14:16

Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Juan 14:25

Ñucaca cancunahuan cashparajmi, tucui chaicunataca chashna nini.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 16:7

Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.

Juan 2:22

Huañushcacunapaj chaupimanta causarijpimi paipaj yachacujcunaca, Jesús chashna nishcatapish, Taita Dios Quillcachishcatapish, Jesús rimashca Shimicunatapish yuyarishpa crircacuna.

Juan 20:22

Chashna nishpa paicunata p'ucushpaca cashnami nirca: –Jucha illaj Espirituta chasquichij.

Juan 6:45

Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Hechos 1:2

jahua pachaman rina punllacama pai imallata rurashcataca ñami quillcarcani. Paica manaraj jahua pachaman rishpami pai agllashca apostolcunataca jucha illaj Espirituhuan imallata rurana cashcata mandarca.

Hechos 1:4

Jesusca paicunahuan cashpaca, cashna nishpami mandarca: –Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 11:16

Chaimantami Mandaj Jesusca: “Juanca yacullapimi bautizarca, ashtahuanpish cancunaca jucha illaj Espiritupimi bautizashca canguichij” nishcata yuyarircani.

Hechos 13:2

Shuj punlla paicuna ayunashpa Jatun Diosta mañacujpimi, jucha illaj Espirituca: “Bernabeta Saulotaca ñucapajta ruraj cachunmi ña cayarcani. Chaimanta paicunataca ñucapajta ruranata callarichun ch'icanchichij” nirca.

Hechos 13:4

Paicunaca jucha illaj Espíritu cachajpimi, Seleucia puebloman rircacuna. Chaimantami Chipremanca barcopi rircacuna.

Hechos 15:28

Jucha illaj Espiritupish yuyachijpi, ñucanchij yuyaipipish chashna rurana alli cajpimi, cancunataca cai mandashcacunamanta ashtahuan shujtaj mana ruranata podipajcunataca mana rurachun mandashun ninchij. Ashtahuanpish cancuna yachaipajcunallatami nishun ninchij:

Hechos 15:8

Tucuicunapaj shunguta rijsij Taita Diosca mana judiocunatapish chasquishcata ricuchingapajmi, paicunamanpish ñucanchijman shinallataj jucha illaj Espirituta curca.

Hechos 16:6

Chaimanta paicuna rishpaca, Asia llajtapi Taita Diospaj Shimita huillashun nijpimi, jucha illaj Espirituca huillachun mana saquirca. Chaimantami Frigia, Galacia llajtacunata pasashpa,

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Hechos 2:4

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

Hechos 28:25

Paicunapura mana shuj yuyailla tucushpa ña rigrijpimi, Pabloca cashna nirca: –Jucha illaj Espíritu huillachijpica allimi profeta Isaiasca ñucanchij ñaupa yayacunataca cashna nishca:

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

Hechos 7:55

Estebanca jahua pachata huichilla ricushpaca jucha illaj Espirituhuan junda cashcamantami Taita Diosca tucuita rurai tucuj sumaj cashcata, Jesuspish paipaj alli ladoman cajta ricushpa,

Romanos 14:17

Dios mandashca cajcunaca, mana micuna ubyana yuyailla canachu. Ashtahuanpish jucha illaj Espiritumantaca cashcata rurana, sumaj causai, cushicuimari.

Romanos 15:13

Cancuna pai yuyailla cashca Diosllataj paipi crijcunamanca cushi canata, sumaj causaita, jundachichun. Chashna cashpami, jucha illaj Espiritupaj poderhuanca Diospi ashtahuan shunguta churanguichij.

Romanos 15:16

mana judiocunapajpi Jesucristopajta rurashpa, Diospaj alli huillaita mingashcata alli apachun cushcamantami chashna yuyachini. Mana judiocunatapish jucha illaj Espíritu jucha illajta rurajpi, Dios munashca shina ofrenda cachunpishmi chashna quillcani.

Romanos 5:5

Shuyaj yuyailla canaca mana pingachinchu. Diosca paipaj jucha illaj Espirituta ñucanchijman cushpami, paipaj c'uyaitaca ñucanchij shungupi tallirca.

1 Corintios 12:3

Chaimantami caitaca yachaj chayachini. Pipish Diospaj Espiritumanta rimashpaca: “¡Jesustaca imapish tucunman!” mana ningachu. Chashnallataj jucha illaj Espiritullamantami pipish: “¡Jesusca Mandajmi!” ni tucun.

1 Corintios 6:19

Jucha illaj Espiritupaj huasi cashcata, paica cancunapi causacushcatapish ¿manachu yachanguichij? Chaitaca Diosmanta chasquishca cashcamanta, mana cancunapajllatajchu canguichij.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

2 Corintios 6:6

chuya causanapipish, alli yachaj canapipish, ima llaquitapish apajlla, llaquij, allita ruraj canapi, jucha illaj Espirituhuan mana nij tucushpalla c'uyajmi canchij.

Efesios 1:13

Cancunapish chai Jesusllatataj crishpa quishpirichunmi, mana llulla alli huillaitaca huillarcanchij. Chaita uyashpa crincami, Diosca pai cusha nishca jucha illaj Espirituhuan sellarca.

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

1 Tesalonicenses 4:8

Maijanpish cai yachachishcata mana uyasha nijca, mana runallatachu mana uyasha nin. Ashtahuanpish jucha illaj Espirituta cuj Taita Diostamari mana uyasha nin.

2 Timoteo 1:14

Alli yachachinata Dios mingashcataca, ñucanchijpi causacuj jucha illaj Espirituhuan alli cuidangui.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

Hebreos 10:15

Shinallatajmi Jucha illaj Espiritupish ñucanchijmanca cashna nin:

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

Hebreos 3:7

Chaimanta, jucha illaj Espíritu nishca shinaca: “Dios rimashcata cunan uyashpaca,

Hebreos 9:8

Chashna cajpimi Diospaj carpa huasi punta ucu tiyacujpirajca, Diospajlla ashtahuan ch'icanchishca caishuj ucuman yaicuna ñanca manaraj tiyashcata Jucha illaj Espirituca yachachin.

1 Pedro 1:12

Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.

2 Pedro 1:21

Profetacunaca paicunapaj yuyaillamantaca manataj huillashcacunachu. Ashtahuanpish Diospajlla caj runacunami, Diospaj jucha illaj Espíritu huillachijpi huillashcacuna.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

1 Juan 5:7

Jahua pachapica cai quimsami huillacun. Paicunaca: Yaya, Rimai Shuti, Jucha Illaj Espiritumi. Cai quimsaca shujllami.

Judas 1:20

C'uyashcacuna, Jucha Illaj Espíritu yuyaita cushca shina Diosta mañashpa, cancuna Jesusta crishcapi sinchita catichij.

Apocalipsis 2:11

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajcunataca q'uipa huañuica imata mana rurai tucungachu nishpa quillcai” nircami.