Juan 14:21 - Dios Rimashca Shimicunami

²¹ Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Mushuj Testamento Diospaj Shimi

²¹ Pipish Ñuca mandashcacunata chasquishpa, chaita caźujmi, Ñucata cʼuyashcata ricuchinga. Ñucata cʼuyajtaca, Ñuca Yayapish cʼuyangami. Ñucapish cʼuyashami, paiman ricurishami— nircami.

Juan 14:21 Iomraidhean Croise

2 REYES 18:6

Ezequiasca Mandaj Dios mandashcata Moisesman cushpa ima shinalla pajtachina cashcata mandashca shina huaquichishpa causashpami, Mandaj Diosllata catishpa paimantaca mana anchurirca.

SALMOS 35:27

Ashtahuanpish manapish imata rurajpi ñucata mitsajcunaca cantaichij, cushicuichij. “Mandaj Diostaca jatunyachishca cachun” nishpa huiñaita nicuchunlla. Mandaj Diosca paipajta rurashpa causajtaca sumajta causachun munajmi.

ÉXODO 33:18

Chaimi Moisesca: –Can jatun cashcata ñucaman ricuchihuai– nirca.

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

JEREMÍAS 31:31

Mandaj Diosca cashnami nin: “Shamuj punllacunapica israelcunahuanpish, Judá runacunahuanpish mushuj ruranatami ari ninacushun.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Juan 14:15

Ñucata c'uyashpaca, ñuca mandashcacunata ruraichij.

Juan 14:18

Cancunataca Yaya mama illajlla shinataca mana saquishachu. Cancunapajman tigramushami.

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.

Juan 16:14

Jucha illaj Espíritu shamushpaca ñuca yachachicushcamanta japishpami tucui ima shinalla cashcata yachachishpa ñucataca jatunyachinga.

Juan 16:27

Ñucataca Taita Diospajmanta shamushcata crishpa, ñucata c'uyashcamantami cancunataca ñuca Yayallataj c'uyan.

Juan 17:23

Paicunaca pi mana juchachipaj shuj shinalla cachunmi, paicunahuan shujlla cani. Canhuan ñucahuanpish shujllami canchij. Chashna cajpimi cai pachapaj cajcunaca, ñucataca can cachashca cashcata yachangacuna. Ñucata ima shina c'uyaj shinallataj paicunatapish c'uyashcatami yachangacuna.

Hechos 22:18

Chaipica Mandaj Jesusmi ñucaman ricurishpaca: “Cai Jerusalenmanta utca llujshishpa ri. Ñucamanta can huillashcataca caipica mana chasquingacunachu” nirca.

2 Corintios 12:8

Chaimantami ñucamanta cai jatun nanaitaca anchuchipai nishpa, Mandaj Jesusta quimsa cutin mañarcani.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

DEUTERONOMIO 11:13

Cunan ñuca quillcashpa cushca mandashcacunata chaitataj pajtachishpa tucui shunguhuan, tucui almahuan Mandaj Dios cancunapaj Taita Diosta c'uyashcamanta paipajta rurajpica,

DEUTERONOMIO 7:13

Cancunataca c'uyangami, alli cashca cachun ningami, achcata mirachingami. Cancunapaj ñaupa yayacunaman cushami nishca llajtapimi cancunapaj huijsapi caj huahuacunapish, cancunapaj chagrapish, granocunapish, vinopish, aceitepish, bizicunapish, cancunapaj bachujcunapish ima mana tucunga.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

2 Timoteo 4:22

Mandaj Jesucristoca cambaj espirituhuan cachun. Mana c'uyaipajta c'uyaj canapish cancunahuan cachun. Chashna cachun.

1 Juan 2:5

Maijanpish paipaj Shimita cazushpaca, Dios c'uyaj cashca shinallatajmi ashtahuan c'uyaj tucun. Chashna c'uyaj cashpami Cristohuan shujlla cashcata yachanchij.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

2 Juan 1:6

C'uyajtajca Dios mandashcacunata cazunami. Callarimanta cancuna uyashca shinallataj Dios mandashca shina caishuj chaishuj c'uyanacushpa causanami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.