Juan 14:18 - Dios Rimashca Shimicunami

¹⁸ Cancunataca Yaya mama illajlla shinataca mana saquishachu. Cancunapajman tigramushami.

Mushuj Testamento Diospaj Shimi

¹⁸ Manataj shitashcata saquishachu, cancunapajman tigramushami.

Juan 14:18 Iomraidhean Croise

SALMOS 101:2

Quiquin ñucapajman shamujpica, allitaj tucuna ñantami entendisha. Ñuca huasipica ima pandata ñuca shungupi mana yuyashpami purisha.

SALMOS 23:4

Quiquinca ñucahuanmi cangui. Chaimanta huañunalla amsa pugru pambacunata puricushpapish ima llaqui japinata mana manchashachu. Quiquinpaj varahuan, quiquinpaj taunahuanca mana shaicushachu.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

LAMENTACIONES 5:3

Yaya illajlla, shitashca huahuacunamari canchij, ñucanchij mamacunapish viuda huarmicuna shinamari.

OSEAS 14:3

Asiriocuna quishpichinatapish mana yuyanchijchu. Caballocunapi tiyarishpa mishashpa quishpirinatapish mana yuyanchijchu. Ñucanchij maquihuan rurashca dioscunatapish ña nunca: Caimi ñucanchij dios mana nishunchu. Yaya mama illaj tucushca ñucanchijca quiquinpimi llaquij cashcataca chasquinchij” nishpa mañanguichij.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

Mateo 18:20

Ishquillapish, quimsallapish ñuca shutipi tandanacujpica, ñucapish chaipimi paicunapaj chaupipi cani– nircami.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Juan 14:16

Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Juan 14:3

Ñuca rishpa cancuna causanata allichishca q'uipaca cancunapish ñuca maipimi cani cancunapish chaipi cachun pushangapaj tigramushami.

Juan 16:16

Ashacama ñucataca mana ricunguichijchu. Chai q'uipaca cutin ashacama ricunguichijmi. Ñucaca Yayapajmanmi rigrini– nijpimi,

Juan 16:33

Ñucahuan shujlla cashpa sumaj causaita charichunmi, caicunataca rimarcani. Cancunaca cai pachapica llaquita apanguichijmi. Shina cajpipish cai pachata mandajtaca ñami misharcani, ñucapi shunguta churaichijlla– nircami.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

Hebreos 2:18

Paita umasha nij llaquicunata apaj cashcamantami, umasha nij llaquicunahuan cajcunamanca mishachun poderta cui tucun.