Juan 14:17 - Dios Rimashca Shimicunami

¹⁷ Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Mushuj Testamento Diospaj Shimi

¹⁷ Paica, cashcatataj huillaj Espiritumi. Paitaca, cai pachapaj cajcunaca, mana ricunchu, mana rijsinchu. Chaimanta Paitaca mana chasqui tucunchu. Shina cajpipish Paica cancunahuan causacushcamanta, rijsinguichijmi. Ñallami Paica cancunapi causanga.

Juan 14:17 Iomraidhean Croise

PROVERBIOS 14:10

Llaquilla cajpipish, cushijlla cajpipish, quiquin shungullami yachan. Chaitaca shujtajcunaca mana yachai tucunchu.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

EZEQUIEL 36:27

Chashna rurashpa ñuca Espirituta shungupi churajpimi, cancunaca ñuca quillcachishcapi nishca shina causanguichij, ñuca imalla rurai nishcatapish pajtachinguichijmi.

Mateo 10:20

Mana quiquincunapaj yuyaimantachu rimanguichij, ashtahuanpish cancunapaj Yayapaj Espiritumi cancunataca rimachinga.

Juan 14:16

Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 16:13

Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

1 Corintios 14:15

Shinashpaca ¿imatataj rurana cani? Espiritupi mañashpapish, entendishpami mañasha. Espiritupi cantashpapish, entendishpami cantasha.

1 Corintios 2:14

Ashtahuanpish aichallamanta huacharishca cajca, Diospaj Espiritupajtaca mana yachasha ninchu. Chaicunaca paipajca musparishca shina cajpimi, mana entendi tucun. Espíritu yuyachijllapimi agllai tucun.

1 Corintios 3:16

Cancunaca Diospaj huasi cashcata, Diospaj Espíritu cancunapi cashcatapish ¿manachu yachanguichij?

1 Corintios 6:19

Jucha illaj Espiritupaj huasi cashcata, paica cancunapi causacushcatapish ¿manachu yachanguichij? Chaitaca Diosmanta chasquishca cashcamanta, mana cancunapajllatajchu canguichij.

2 Corintios 13:5

Crijtaj cashcataca cancunallataj alli ricurichigari. ¿Ima shina cashcataca cancunallataj ricurichigari? ¿Manachu cancunallataj rijsiri tucunguichij? Jesucristo cancunapi cashcata mana yachashpaca, mana alli crijcunami ricuringuichij.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Gálatas 4:6

Chaimantami paipaj huahuacuna canguichij. Diosca cancunapaj shungucunamanca paipaj Churipaj Espiritutami cacharca. Paimi: “¡Ñuca Yayitu!” nishpa caparicun.

Efesios 2:22

Cancunapish Espiritupi Dios causana huasi cangapajmi, chaipi tandalla huasichicushcacuna canguichij.

Efesios 3:17

Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

2 Timoteo 1:14

Alli yachachinata Dios mingashcataca, ñucanchijpi causacuj jucha illaj Espirituhuan alli cuidangui.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

1 Juan 3:24

Dios mandashcacunata cazujca paihuanca shuj shinallami causan. Diospish paihuanca shuj shinallami. Chaitaca pai cushca Espíritu ñucanchijpi causacushcamantami yachanchij.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 4:6

Ñucanchijca, Diospajmi canchij. Diosta rijsijmi, ñucanchijtaca uyan. Mana Diospaj cajca, ñucanchijtaca mana uyanchu. Chaipimi mana llulla Espirituhuan cashcata, mana cashpaca pandachij espirituhuan cashcatapish rijsinchij.

1 Juan 5:7

Jahua pachapica cai quimsami huillacun. Paicunaca: Yaya, Rimai Shuti, Jucha Illaj Espiritumi. Cai quimsaca shujllami.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.