Juan 14:16 - Dios Rimashca Shimicunami

¹⁶ Shujtaj cushichijta cancunaman cuchun ñuca Yayata mañashami. Chai cushichijca huiñaitami cancunahuan canga.

Mushuj Testamento Diospaj Shimi

¹⁶ Shujtaj Cushichijta cancunaman cuchun Ñuca Yayata mañashami. Chai Cushichijca huiñaita cancunahuanmi canga.

Juan 14:16 Iomraidhean Croise

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Juan 14:14

Imatapish ñucamanta mañajpica, chaita rurashami.

Juan 14:18

Cancunataca Yaya mama illajlla shinataca mana saquishachu. Cancunapajman tigramushami.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 16:22

Chashnallatajmi cancunapish, cunanca llaquilla canguichij. Cutin ñuca ricuj shamujpimi, cancunaca cushicunguichij. Chai cushicuitaca, cancunamantaca pi manataj quichungachu.

Juan 17:15

Cai pachamanta paicunata anchuchichunca mana mañanichu, ashtahuanpish millaimanta huaquichichunmi mañani.

Juan 17:20

Paicunallamanta mana mañanichu. Paicuna huillajpi, q'uipata ñucata crina cashcacunamantapishmi mañani.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Hechos 1:4

Jesusca paicunahuan cashpaca, cashna nishpami mandarca: –Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.

Hechos 13:52

Chai llajtapi Jesusta catijcunaca jucha illaj Espirituhuan junda cashcamanta cushicuihuanmi carcacuna.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

Romanos 14:17

Dios mandashca cajcunaca, mana micuna ubyana yuyailla canachu. Ashtahuanpish jucha illaj Espiritumantaca cashcata rurana, sumaj causai, cushicuimari.

Romanos 15:13

Cancuna pai yuyailla cashca Diosllataj paipi crijcunamanca cushi canata, sumaj causaita, jundachichun. Chashna cashpami, jucha illaj Espiritupaj poderhuanca Diospi ashtahuan shunguta churanguichij.

Romanos 5:5

Shuyaj yuyailla canaca mana pingachinchu. Diosca paipaj jucha illaj Espirituta ñucanchijman cushpami, paipaj c'uyaitaca ñucanchij shungupi tallirca.

Romanos 8:34

¿Pitaj jatun llaquimanca cachangari? Cristomari ña huañurca, causarircapishmari. Paica, Yayapaj alli ladopi ñucanchijmanta mañaracunpishmari.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

Filipenses 2:1

Chaimanta, Cristomanta cushicuna, c'uyaihuan animachina, Espiritumanta shuj yuyailla cana, ucu shungumanta c'uyanacuna, llaquij canapish tiyajpica,

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

2 Juan 1:2

Mana llullata ñucanchij shungupi charishcamantami c'uyanchij. Chai c'uyaica huiñaipajmi ñucanchijhuan canga.