Juan 14:15 - Dios Rimashca Shimicunami

¹⁵ Ñucata c'uyashpaca, ñuca mandashcacunata ruraichij.

Mushuj Testamento Diospaj Shimi

¹⁵ Ñucata cʼuyashpatajca, Ñuca mandashcacunata huaquichichij.

Juan 14:15 Iomraidhean Croise

2 REYES 18:6

Ezequiasca Mandaj Dios mandashcata Moisesman cushpa ima shinalla pajtachina cashcata mandashca shina huaquichishpa causashpami, Mandaj Diosllata catishpa paimantaca mana anchurirca.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

1 Corintios 16:22

Mandaj Jesucristota maijanpish mana c'uyajca, llaquichinapaj cachun. ¡Mandaj Jesusca shamugrinmi!

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Efesios 6:24

Ñucanchijta Mandaj Jesucristota, mana chingarij c'uyaihuan tucui c'uyajcunamanca, mana c'uyaipajta c'uyaj canata cushca cachun. Chashna cachun.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

2 Juan 1:6

C'uyajtajca Dios mandashcacunata cazunami. Callarimanta cancuna uyashca shinallataj Dios mandashca shina caishuj chaishuj c'uyanacushpa causanami.