Juan 14:13 - Dios Rimashca Shimicunami

¹³ Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Mushuj Testamento Diospaj Shimi

¹³ Tucui imatapish Ñuca shutipi Yayata mañajpica, chaita rurashami. Yayaca Churimanta alli nishca cachunmi chashnaca rurasha.

Juan 14:13 Iomraidhean Croise

Mateo 21:22

Tucui imatapish crishpa Diosta mañashpaca, chasquinguichijmi– nircami.

Mateo 7:7

Mañaichij, paica cungami. Mashcaichij, japinguichijmi. Huasiyuj nichij, paica pascangami.

Marcos 11:24

Chaimanta cashnami nini: Taita Diosta imata mañashpaca, ña japinataj cashcata crishpa mañaichij, chasquinguichijmi.

Lucas 11:9

Chaimanta cashnami nini: Diostaca mañacuichijlla, paica cungami. Mashcacuichijlla, japinguichijmi. Huasiyuj nicuichijlla paica pascangami.

Juan 10:30

Ñuca Yayapish, ñucapish shujllami canchij– nijpimi,

Juan 12:44

Jesusca caparishpami cashna nirca: “Pipish ñucata crijca, mana ñucallatachu crin, ñucata cachajtapishmi crin.

Juan 13:31

Judas ña llujshishpa rijpica Jesusca cashnami nirca: –Runa Aichayuj tucushcaca cunanmi tucuita rurai tucuj cashcata ricuchishca canga. Taita Dios tucuita rurai tucuj cashcapish Runa Aichayujmantami ricunringa.

Juan 14:14

Imatapish ñucamanta mañajpica, chaita rurashami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 16:23

Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Juan 16:26

Chai punllapica, ñuca Yayata cancunamanta mañashami mana ninichu. Ashtahuanpish cancunamari ñucallamanta ñuca Yayataca mañanguichij.

Juan 16:7

Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 7:37

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

1 Corintios 14:13

Chashna cashcamanta maijanpish mana rijsishca rimaipi rimajca, chai imata nisha nishcata huillai tucungapajca Diosta mañachun.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.

Efesios 3:12

Ñucanchijca paipi crishcamantami, shuj yuyai yaicunatataj charinchij.

Efesios 3:14

Chaimantami ñucanchijta Mandaj Jesucristopaj Yayapaj ñaupajpica, cungurini.

Filipenses 4:13

Ñucata sinchiyachij Cristohuanca, tucui imatapish rurai tucunimi.

Colosenses 3:17

Tucui imata rimashpapish, rurashpapish Mandaj Jesuspaj shutipi tucuita ruraichij. Paillamantataj Dios Yayataca pagui nichij.

Hebreos 13:15

Chaimantami Taita Diosmanca Jesucristota cantashcata cuna canchij. Alabana sacrificioca, shimihuan paipaj shutita huillana nisha ninmi.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

1 Juan 3:22

Dios mandashcacunata cazushpa, pai munashcacunata paipaj ñaupajpi ruracushcamantaca, ñucanchijca imata mañashpapish paimantaca chasquishunllami.

1 Juan 5:14

Pai munashca shina imatapish mañajpica, paica uyashpa cujlla cashcata yachashcamantami paipi shunguta churanchij.