Juan 14:12 - Dios Rimashca Shimicunami

¹² Maijanpish ñucata crijca, ñuca rurashca shinallatajmi paipish ruranga. Ñucaca ñuca Yayapajman rishcamanta chai ñuca rurashcacunata yallitapishmi ruranga. Chaica chashnatajmi canga.

Mushuj Testamento Diospaj Shimi

¹² Pipish Ñucata crijca, Ñuca rurashca shinallatatajmi ruranga, yallitapishmi ruranga. Chashna rurachunmi Ñucaca Yayapajman ricuni. Chaica chashnatajmi.

Juan 14:12 Iomraidhean Croise

Mateo 21:21

Chaimi Jesusca: –Mana caita chaita yuyashpa crishpaca, cai higo yurata chaquichishca shinallaca mana ruranguichijmanchu. Ashtahuanpish cai urcuta: “¡Caimanta anchushpa, mama cucha yacupi siririgri”! nijpica chashna tucunmanllami. Chaica chashnatajmi canga.

Marcos 11:13

Chaimi carumanta shuj higo yura p'angasapa cajta ricushpaca, higo tiyanpishchari nishpa ricunaman rirca. Chaiman chayajpica, p'angacunallami junda cashca carca. Manaraj p'ucuna punlla cashcamantami higoca mana tiyashca carca.

Marcos 16:17

Ñucata crijcunaca, pi mana rurai tucushca caicunatami rurangacuna: Ñuca shutipimi supaicunataca llujshichingacuna, shujtaj rimaicunatapishmi rimangacuna.

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 16:7

Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.

Juan 4:37

“Shujca tarpujmi, caishujca c'uchujmi” nishcami caipica chashnataj pajtan.

Juan 5:20

Yayaca paipaj Churitaca c'uyanmi. Chaimantami Churimanca tucui imallata pai ruracushcataca ricuchin. Chaimanta cunan ruracushcacunamanta yallitapishmi rurachishpa cancunamanca ricuchinga. Chaita ricushpaca cancunaca mancharinguichijmi.

Juan 7:33

Chaipimi Jesusca: –Ashacamallami cancunahuan cani. Chaimantaca ñucata cachajpajman tigrashpa rishallami.

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Hechos 10:46

Shujtaj rimaicunapi rimashpa, Taita Diosta jatunyachicujta uyashpami mancharircacuna.

Hechos 16:18

Achca punllacunata chashna nishpa ñucanchijta caticujllapimi, Pabloca mana uyanachishpa chai espiritutaca: –Jesucristopaj shutipimi, chai huambramanta llujshi nini– nincami chai huambramantaca llujshirca.

Hechos 19:12

Chaimi Pablo tuparishca pañuelocunata, churanacunatapish ungushcacunapaj jahuapi churangapaj aparcacuna. Chashna rurajpica ungüicunaca, paicunamanta anchurcallami, millai espiritucunapish llujshircallami.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Hechos 2:41

Chai huillashcata cazujcunaca bautizarircacunami. Chai punllaca, quimsa huaranga shinami mirarishpa caishuj crijcunahuan tandanacurcacuna.

Hechos 4:16

cashna nircacuna: –¿Imatataj cai runacunataca rurashun? Paicunaca pi mana rurai tucuipaj mancharinataca Jerusalenpimi rurashpa ricuchin. Tucui chaipi causajcunami chashna rurashcataca alli yachancuna. Chaimanta mana chashnachu rurashca nishpapish mana ni tucunchijchu.

Hechos 4:33

Mandaj Jesús causarishcata paicuna ricushcataca, jatun poderhuanmi apostolcunaca huillarcacuna. Mana c'uyaipajta c'uyaica, tucui paicunapaj jahuapimi yallitaj carca.

Hechos 4:4

Chashna rurajpipish paicuna huillashcata uyajcunaca achcacunami crircacuna. C'aricunallami pichca huaranga shina carca.

Hechos 5:15

Pedro pasacujpi paipaj llandu ungushcacunapaj jahuata pasashpa alliyachichunmi, ungushcacunataca camacunapi huanducunapi churashpa ñancunaman apamushpa churarcacuna.

Hechos 6:7

Jatun Diospaj Shimita apostolcuna ashtahuan huillashpa catijpimi, Jerusalenpica achca yachacujcuna tucushpa ashtahuan mirarircacuna. Curacunapish achcacunami Jesusta crinaca allimi nishpa crircacuna.

Hechos 8:7

Mapayachij espíritu japishcacunatapish achcacunamantami chai espiritucunata llujshichishpa cacharca. Chai espiritucunaca jatunta caparishpami llujshircacuna. Suchucunatapish, mana puri tucujcunatapish achcacunatami alliyachirca.

Hechos 9:34

Chaimi Pedroca: –Eneas, cantaca Jesucristomi alliyachin. Jatari, cambaj camata allichi– nincami Eneasca jatarirca.

Hechos 9:40

Pedroca tucuicunata chaimanta llujshichishpa, cungurishpa Taita Diosta mañashpaca huañushcapaj ladoman muyurishpami: “¡Tabita, jatari!” nijpica ñahuita pascashpa, Pedrota ricushpa tiyarirca.

Romanos 15:19

Diospaj Espiritupaj poder rurachijpimi poderyuj ricuchinacunata, mancharinacunatapish rurarcani. Chashnami Jerusalenmanta callarishpaca, tucui llajtacunapi Iliricocama Cristomantaca alli huillaita huillashpa jundachircani.