Juan 14:10 - Dios Rimashca Shimicunami

¹⁰ Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Mushuj Testamento Diospaj Shimi

¹⁰ Yayaca Ñucahuan, Ñucaca Yayahuan shujlla cajtaca, ¿manachu cringui? Ñuca cancunaman imalla rimashcataca, mana Ñuca yuyaillamanta nicunichu. Ashtahuanpish Ñucapi caj Yayami chai tucuitaca rurachicun.

Juan 14:10 Iomraidhean Croise

Juan 10:30

Ñuca Yayapish, ñucapish shujllami canchij– nijpimi,

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 11:26

Maijan causacujcunapish ñucata crijca, huiñaita manataj huañungachu. ¿Chaitaca cringuichu?– nircami.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 14:11

Ñucaca Yayahuan, Yayaca ñucahuan shujlla cashcataca crichigari. Mana cashpaca ñuca rurashcacunata ruracushpallapish crichigari.

Juan 14:20

Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.

Juan 14:24

Maijanpish ñuca huillashca Shimicunata mana cazujca, ñucataca mana c'uyanchu. Cancuna uyashca Shimicunaca mana ñuca yuyaillamantachu, ñucata cachaj Yaya huillachijpimi huillacuni.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 3:2

Paimi Jesuspajman tuta shamushpaca: –Rabí, canca ñucanchijta yachachichun Taita Dios cachajpi shamushcatami yachanchij. Taita Dios mana paihuan cajpica, pi cashpapish can rurashpa ricuchishca shinataca, mana rurai tucunchu– nirca.

Juan 5:17

Chaimi Jesusca: –Ñuca Yayaca, trabajanataca mana saquinchu. Ñucapish trabajanataca mana saquinichu– nirca.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 7:16

Chashna ninacucujpimi, Jesusca: –Ñucaca mana ñuca yuyaimantachu yachachini. Ashtahuanpish ñucata cachaj Yaya yachachi nishcallatami yachachini.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Juan 8:38

Ñucaca Yayapaj c'uchupi cashpami paimanta imata ricushcata huillani. Cancunaca cancunapaj yayahuan cashpami pai rurai nishcata ruracunguichij– nircami.

Juan 8:40

Taita Diosmanta imata uyashcataca chaitataj huillashcamantami, cunanca ñucataca ima shinapish huañuchishun nicunguichij. Abrahamca mana chashna rurajchu carca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

2 Corintios 5:19

Diosca cai pachapi causajcunapaj juchacunata manataj yuyarishachu nishpaca, Cristomantami paicunahuanca alli tucurca. Alli tucunata huillachunca ñucanchijmanmi mingarca.

Colosenses 1:19

Dios pai ima shina cashcaca, Cristopi junda causachunmi munarca.

Colosenses 2:9

Dios tucui ima shina cashcaca, Cristopaj cuerpopimi causan.

1 Juan 5:7

Jahua pachapica cai quimsami huillacun. Paicunaca: Yaya, Rimai Shuti, Jucha Illaj Espiritumi. Cai quimsaca shujllami.