Juan 13:9 - Dios Rimashca Shimicunami

⁹ Chaimi Simón Pedroca: –Mandaj Jesús, ama ñuca chaquicunallata maillahuaichu. Ashtahuanpish maquicunandij, umandij armachihuai– nirca.

Mushuj Testamento Diospaj Shimi

⁹ Shina nijpi, Simón Pedroca: —Apunchij Jesús, shinashpaca ama chaquicunallata maillahuaichu, maquicunandij, umandij armachihuailla— nircami.

Juan 13:9 Iomraidhean Croise

SALMOS 26:6

Ima mana allita mana rurashcapimi ñuca maquita maillani. Mandaj Dioslla chashna cashpami quiquinpaj altar muyundijpi purisha.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

Mateo 27:24

Tucuicuna imata mana uyashun nishpa, ashtahuan caparicujta ricushpami Pilatoca yacuta japishpa tucuicunapaj ñaupajpi maquita maillashpaca: –Cai cashcata ruraj runata huañuchijpi paipaj yahuarmantaca, ñucaca ima juchachinayuj mana canichu. ¡Cancunapaj jahuami canga!– nircami.

Juan 13:10

Chaimi Jesusca: –Maijanpish cunanlla armashca cashpaca, tucui chuya cashcamanta mana cutin armanchu, chaquicunallatami maillarin. Cancunaca mana tucuicuna chuya cashpapish, chuyayachishcami canguichij– nircami.

Juan 13:8

Pedroca: –Ñuca chaquicunatatajca manataj maillanguichu– nijpimi Jesusca: –Cambaj chaquicunata ñuca mana maillajpica, ñucapajta rurajca mana cai tucunguichu– nirca.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

1 Pedro 3:21

Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.