Juan 13:8 - Dios Rimashca Shimicunami

⁸ Pedroca: –Ñuca chaquicunatatajca manataj maillanguichu– nijpimi Jesusca: –Cambaj chaquicunata ñuca mana maillajpica, ñucapajta rurajca mana cai tucunguichu– nirca.

Mushuj Testamento Diospaj Shimi

⁸ Shina nijpi, Pedroca: —Ñuca chaquicunatatajca, manataj maillanguichu— nijpi Jesusca: —Ñucaman mana maillachishpaca, Ñucahuanca imata mana charinguichu— nircami.

Juan 13:8 Iomraidhean Croise

GÉNESIS 42:38

Shina nijpi Jacobca: –Ñuca churica cancunahuanca manataj ringachu. Paipaj huauqui Josepish huañujpi, paillami saquirirca. Cancuna Benjaminta pushashpa ricujpi ñanpi ima llaquipish tucujpica, ñucaca yuyaj cashcamanta seolman utca rijpica cancunapaj jahuami canga– nircami.

2 SAMUEL 20:1

Chaipica cashnami tucurca: Benjamín aillumanta caj Bicri runapaj churi Seba runami, Gilgalpi carca. Paica millai runami carca. Paimi trompetapi tocashpaca: “Ñucanchijca Davidpaj parteca mana cana canchijchu. Isaipaj churihuanca ima japinata mana charinchijchu. Tucui israelcuna quiquin carpa huasicunaman richijlla” nirca.

1 REYES 12:16

Israelcunaca paicuna mañashcata jatun mandaj mana uyajpimi, cashna nircacuna: “Ñucanchijca Davidpaj huahua huahuahuanca imata mana charinchijchu. Isaipaj huahua huahuahuan japinatapish imata mana charinchijchu. ¡Tucui israelcuna, cancunapaj carpa huasicunaman richijlla! ¡Davidpaj huahua huahuacunaca cancunapaj ailluta mandacuichijlla!” Nishpaca israelcunaca paicunapaj carpa huasicunaman tigrarcallacunami.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 51:7

Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.

ISAÍAS 4:4

Jatun Dios Sionpi causaj huarmicunata tucui mapata p'ichashcacuna, Jerusalén yahuarlla cajta llaquichij espirituhuan, tucuchij espirituhuan maillashcacunami chashna nishca cangacuna.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Mateo 16:22

Jesús chashna nijpi Pedroca, paillata cayashpami: –Amito, ashtahuanpish can quiquinta llaqui. Chashna tucunataca Dios ama munachun– nishpami ama chashna yuyachun jarcasha nirca.

Mateo 21:29

Chaimi paica: “¡Mana rishachu!” nirca. Ashtahuanpish shina nishca cashpapish, alli yuyarishpaca rircallami.

Mateo 26:33

Pedroca: –Canta caticushcata saquishpa tucuicuna rijpipish, ñucatajca manataj saquishachu– nirca.

Mateo 26:35

Pedroca: –Canhuan huañuna cajpipish, ñucaca manataj chashna nishachu– nijpica, caishuj yachacujcunapish tucuicunami chashnallataj nircacuna.

Juan 13:6

Simón Pedropaj chaquita maillasha nijpimi: –Mandaj Jesús, ¿Maitataj ñuca chaquicunata quiquinca maillanguiyari?– nirca.

Juan 13:9

Chaimi Simón Pedroca: –Mandaj Jesús, ama ñuca chaquicunallata maillahuaichu. Ashtahuanpish maquicunandij, umandij armachihuai– nirca.

Juan 3:5

Chaimi Jesusca: –Pipish yacuhuan, Taita Diospaj Espirituhuan mana huacharijca, Taita Dios mandacujpica mana yaicui tucungachu. Chashnatajmi canga.

Hechos 22:16

Chaimanta cunanca imata ama shuyashpa jatarishpa bautizari. Jesuspaj shutipi rogashpa cambaj juchacunata maillachi” nircami.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Efesios 5:26

Huillashca shimihuan yacupi maillashpa jucha illajta rurangapajmi, Cristoca chashna tucurca.

DEUTERONOMIO 12:12

Mandaj Dios cancunapaj Taita Diospaj ñaupajpi cancunapish, cancunapaj churicunapish ushushicunapish, cancunapajta ruraj c'aricunapish, huarmicunapish, cancuna causanpi causaj levitacunapish chaicunata micushpami cancunahuan cushicungacuna. Paicunaca allpacunata mana charishcamantami cancunahuan cushicungacuna.

Colosenses 2:18

Mana jatun tucushca shinalla, angelcunata adorajcuna shina tucushpa cancuna japina cashcata ñataj pi umashpa quichunman. (Paicunaca manapish ricushpami muscuipi shina ricunchij nishpa) quiquin yuyaillamanta surcushpa jatun tucuncuna.

Colosenses 2:23

Chaicunaca yachajtajlla cangapaj, Diosta yuyaricujtajlla cangapaj, mana jatun tucushcatajlla cangapajca alli shinatajmari yuyachin. Chashna cashcamanta cuerpota llaquichirinapajllami. Ashtahuanpish aicha munaitaca mana jarcai tucunchu.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.