Juan 13:5 - Dios Rimashca Shimicunami

⁵ Chai q'uipaca shuj bateapi yacuta churashpami, yachacujcunapaj chaquicunata maillai callarirca. Chumbillishca linsohuanca chaquicunatami chaquichirca.

Mushuj Testamento Diospaj Shimi

⁵ Chaimantaca shuj capachopi yacuta churashpami, yachacujcunapaj chaquicunata huashan maillashpa, changallishca linsohuanca chaquichirca.

Juan 13:5 Iomraidhean Croise

GÉNESIS 18:4

Cancunapaj chaquicunata maillachun asha yacuta apamuchisha. Chai q'uipaca cai yura ucupi samaringuichijllami.

GÉNESIS 19:2

cashna nirca: –Ñuca amitocunalla, cunan tutaca cancunapajta rurajpaj huasiman shamushpa chaipi samarichunmi rogapani. Cancunapaj chaquicunatapish chaipi maillanguichijllami. Cayaca utcata jatarishpa, cancuna maiman ricushca ñanllatataj ringuichijllami– nirca. Shina nijpimi paicunaca: –Chaitaca mana rurai tucunchijchu. Cunan tutaca, cai ñanllapimi pacarishun– nirca.

GÉNESIS 43:24

Chai q'uipaca tucuicunata Josepaj huasiman pushashpa yacuta cujpimi, paicunapaj chaquicunata maillarcacuna. Paicunapaj burrocunamanpish cararcami.

2 REYES 3:11

Chaimi Josafatca: –Ñucanchij ima tucunata Mandaj Diosta, profetaman tapuchingapaj ¿manachu caicunapi Mandaj Diospaj maijan profeta causan?– nijpimi israelcunata jatun mandajpajta rurajcunapuramanta shujca: –Safatpaj churi Eliseomari caipi causan. Paica Eliaspajta rurajmari carca– nirca.

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

ÉXODO 29:4

Aarontapish, paipaj churicunatapish Dioshuan tupanacuna carpa huasi punguman pushashpa armachishpa,

ISAÍAS 1:16

Maillarichij, chuyayaichij. Ñuca ñaupajpi cancuna millaita rurashcata anchuchichij. Millaita ruranata saquichij.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

LEVÍTICO 14:8

Lepra ungüimanta alliyashpa ima mapa illajlla tucujca, paipaj churanata tajshashpa, uma ajchatapish tucuita rutushpa yacuhuan armashpa ima mapa illajlla saquirichun. Chai q'uipaca carpa huasicuna tiyanman yaicushpapish, paipaj carpa huasi ucumanca ama yaicushpa canchis punllacunata canllallaman saquirichun.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Lucas 7:38

Paica Jesuspaj huasha ladota shamushpami paipaj chaquiman cumurishpa achcata huacashpa chaquipi huiquita shutuchi callarirca. Chaitaca paipaj ajchahuan chaquichishpami, chaquita muchashpa pai apashca mishquijllata ashnacujtapish Jesuspaj chaquipi tallirca.

Lucas 7:44

Chai huarmita ricushpami Simontaca: –¿Cai huarmi imata rurajta ricunguichu? Cambaj huasiman yaicumujpica, ñuca chaquita maillachun yacuta mana curcanguichu. Ashtahuanpish cai huarmica, ñuca chaquita huiquihuan maillashpami paipaj ajchahuan chaquichirca.

Juan 13:10

Chaimi Jesusca: –Maijanpish cunanlla armashca cashpaca, tucui chuya cashcamanta mana cutin armanchu, chaquicunallatami maillarin. Cancunaca mana tucuicuna chuya cashpapish, chuyayachishcami canguichij– nircami.

Juan 13:6

Simón Pedropaj chaquita maillasha nijpimi: –Mandaj Jesús, ¿Maitataj ñuca chaquicunata quiquinca maillanguiyari?– nirca.

Juan 13:8

Pedroca: –Ñuca chaquicunatatajca manataj maillanguichu– nijpimi Jesusca: –Cambaj chaquicunata ñuca mana maillajpica, ñucapajta rurajca mana cai tucunguichu– nirca.

Juan 19:34

Shuj soldadollami paitaca costilla quinripi lanzahuan satijpi yahuarndij, yacundij llujshirca.

Hechos 22:16

Chaimanta cunanca imata ama shuyashpa jatarishpa bautizari. Jesuspaj shutipi rogashpa cambaj juchacunata maillachi” nircami.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Efesios 5:26

Huillashca shimihuan yacupi maillashpa jucha illajta rurangapajmi, Cristoca chashna tucurca.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.

JUECES 19:21

Paipaj huasiman pushashpami, yuyaj runaca chai runapaj burrocunaman cararca. Paicunapaj chaquicunatapish maillarcami. Micurcacunami ubyarcacunami.

1 SAMUEL 25:41

Chaimi Abigailca, jatarishpa cungurishpa pambaman tupajta cumurishpaca: –Cambajta ruraj ñucaca caipimi cani. Pai munajpica, ñuca amitopajta rurajcunapaj chaquita maillashpallapish, paipajta ruraj tucushapishchari– nirca.