Juan 13:34 - Dios Rimashca Shimicunami

³⁴ Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Mushuj Testamento Diospaj Shimi

³⁴ Cancunataca manaraj mandashcatami mandashpa saquini: Caishuj chaishuj cʼuyanacuichij. Ima shinami Ñuca cʼuyarcani, chashnallataj cancunapish caishuj chaishuj cʼuyanacunguichij.

Juan 13:34 Iomraidhean Croise

SALMOS 119:63

Quiquinta tucui manchajcunahuanmi chaipurallataj cani. Quiquin mandashcacunata huaquichijcunahuanmi chaipurallataj cani.

SALMOS 16:3

Cai allpapi caj dioscunaca imatapish rurai tucunmi nincunami. Ñucaca cashcata rurajcunahuan cashpami cushicuni.

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

LEVÍTICO 19:34

Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

Mateo 5:44

Ashtahuanpish ñucaca cashnami nini: Cancunata p'iñajcunatapish c'uyanguichij. Cancunata llaqui tucushca cachun nijcunatapish alli cashca cachun ninguichij. P'iñajcunapajpish allita ruranguichij. Maipish cachun rimashpa, llaquichina yuyailla llaquichijcunamantapish Taita Diosta mañanguichij.

Juan 15:17

Cancunataca caishuj chaishuj c'uyanacuchunmi mandani.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Romanos 12:10

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Romanos 13:10

C'uyajca, shujtajtaca ima millaita mana ruranchu. Chashna cajpica shujtajta c'uyajmi, Mandashcata pajtachin.

Romanos 13:8

Piman ama imata debichijchu, ashtahuanpish caishuj chaishuj c'uyanacunallata debinguichij. Shujtajta c'uyajmi Mandashcataca pajtachishca.

Gálatas 5:22

Ashtahuanpish Espiritupaj granoca c'uyaimi, cushimi, sumaj causaimi, mana utca p'iñarinami, alli shungumi, alli cajmi, crijmi,

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

Gálatas 6:10

Chashna cajpica, ima ruranata charishpaca tucuicunapaj allita rurashunchij. Ashtahuantajca crijcunapaj allita rurashunchij.

Gálatas 6:2

Caishujpaj chaishujpaj llaquicunata, apajcuna caichij. Cristopaj mandashcataca, chashna rurashpa pajtachichij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Colosenses 1:4

Cancuna Cristo Jesusta crishcatapish, tucui jucha illajcunata c'uyacun nijtapish uyarcanchijmi.

1 Tesalonicenses 3:12

Ñucanchij cancunata c'uyaj shinallataj cancunapish caishuj chaishujhuan, shujtajcunahuanpish c'uyaita charichun, Mandaj Jesusllataj yallijta mirachishca cachun.

2 Tesalonicenses 1:3

Huauquicuna, cancunapaj crishcaca ashtahuanmi sinchiyashpa catin. Tucuicunapaj c'uyaipish shujtajcunata c'uyanapajca, cada quiquinpajmi yallijta jundan. Chaimantami cancunamantaca Taita Diosta pagui nina alli cajpi pagui nicunchijlla.

Hebreos 13:1

Quiquin huauquindij shina caishuj chaishujhuan c'uyanacunataca amataj saquichijchu.

Santiago 2:8

Quillcachishcapica: “Quiquin c'uyarij shinallataj shujtajcunatapish c'uyangui” nishca tucuita yalli jatun mandashcata pajtachishpatajca, allitami ruranguichij.

1 Pedro 1:22

Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.

2 Pedro 1:7

Diosta alli yuyarij cashpaca, quiquin huauquindij shina c'uyanacuj caichij. Quiquin huauquindij shina c'uyanacuj cashpaca, tucuicunata c'uyaj caichij.

1 Juan 3:11

Cancunaman callarimanta huillashcacunaca caicunami: Caishujhuan chaishujhuan c'uyanacunami.

1 Juan 3:23

Diosca: Paipaj Churi Jesucristopi crichun, ñucanchijpish pai mandashca shina caishuj chaishuj c'uyanacuchunmi mandarca.

1 Juan 4:21

Ñucanchijca cashna mandashcatami, Jesucristomantaca charinchij: “Maijanpish Diosta c'uyajca, paipaj huauquitapish c'uyachun” ninmi.

2 Juan 1:5

Cunanca huarmi caitami rogani. Mana mushuj mandashcata mandashpa shinachu quillcani. Ashtahuanpish callarimanta ña charishca mandashcallatatajmi caishuj chaishuj c'uyanacunguichij nishpa quillcani.