Juan 13:2 - Dios Rimashca Shimicunami

² Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Mushuj Testamento Diospaj Shimi

² Ñami micushpa tiyacurcacuna. Diabloca ñaupamanmi, Simonpaj churi Judas Iscariotepaj shungupica, Jesusta japichina yuyaita churashca carca.

Juan 13:2 Iomraidhean Croise

ESDRAS 7:27

Jerusalenpi caj Mandaj Diospaj huasita sumajta shayachichun jatun mandajman yuyaita cuj ñucanchij ñaupa yayacunapaj Mandaj Diosca alli nishca cachun.

NEHEMÍAS 2:12

ñucapish, ñucahuan caj runacunapish tuta jatarishpa rircanchij. Jerusalenpi ñuca imata rurachun Taita Dios yuyachishcataca maijan paicunaman mana huillarcanichu. Ñucahuan cajcuna tiyarishpa rinapajca animalcunataca mana charircanichu. Ñuca tiyarishpa rinapajllami charircani.

Mateo 10:4

Canaán quiquin llajtamanta macanacujpuramanta Simonpish, Jesusta huañuchichun japichij Judas Iscariotepishmi carca.

Lucas 22:3

Paicuna chashna yuyacujpica Judas Iscariotepaj shungupimi, Satanasca yaicurca. Paica Jesuspaj chunga ishqui yachacujcunapuramantami carca.

Lucas 22:31

Mandaj Jesusca caitapishmi nirca: –Simón, Simón, cancunataca trigota shina shushungapajmi Satanasca mañarca.

Juan 13:11

Jesusca, pi paita huañuchichun cuna cashcataca yachashcamantami: “Mana tucuicunachu chuya canguichij” nirca.

Juan 13:4

Chaimi micucushcamanta jatarishpa, paipaj jahua churanata llujshichishpa, shuj linsota japishpa chumbillirirca.

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

2 Corintios 8:16

Cancuna yuyailla ñuca cashca shinallataj, Titomanpish yuyaita cushcamantami, Diostaca pagui nini.

Efesios 2:3

Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

Apocalipsis 17:17

Diosca pai rurasha nicushcata pajtachingapajmi paicunataca: Tucuicuna shuj yuyailla tucushpa, jatun animalman mandanata cuna yuyai tucuchunpish saquirca. Diospaj shimipi huillashca shina pajtangacamallami chai animalca mandanga.