Juan 13:19 - Dios Rimashca Shimicunami

¹⁹ Chashna tucujpica ñuca pi cani nishcata crichunmi ñaupaman cancunamanca huillani.

Mushuj Testamento Diospaj Shimi

¹⁹ Ña chashna tucujpica Ñuca pi cashcata cancuna crichunmi, manaraj chashna tucujpi ñaupashpa huillacuni.

Juan 13:19 Iomraidhean Croise

ISAÍAS 41:23

Cancuna diostaj cashcata ñucanchij yachangapajca q'uipa punllacuna imalla tucuna cashcata huillaichigari. Q'uipa punllacunapi imalla tucuna cashcata yachashpa, mancharishpa parlanacungapaj alli cachunpish, mana alli cachunpish imallatapish ruraichigari.

ISAÍAS 43:10

Mandaj Diosca cashnami nin: “Ñucaca ñaupamantapacha ñucallatajmi cani. Pi shujtaj dios mana ñucapaj ñaupa tiyarcachu, q'uipatapish pi shujtaj dios mana tiyangachu. Ñucaca cancunataca chaita yachachun, ñucapi shunguta churashpa causachunmi agllarcani. Chaimanta cancunami ñucamanta uyashcata, ricushcata huillajcuna, ñucapajta rurajcuna canguichij.

ISAÍAS 48:5

Ñuca imallata ruragricushcataca manaraj rurashpami, achca huatacuna illajpiraj ña huillarcani. Ñuca rurashca diosmi chashna rurashca, tacashpa rurashca imamanpish rijchaj diosmi caicunataca cachashca ama nichunmi ñaupaman huillarcani.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Mateo 11:3

Jesusta tapunaman cacharca. Paicunataca: –¿Canchu chai shamuna cashcaca cangui, mana cashpaca shujtajtachu shuyana canchij?– nichunmi cacharca.

Mateo 24:25

Ñucaca ñaupamanmi imalla tucuna cashcataca ña huillani.

Lucas 21:13

Ashtahuanpish chaipimi paicunaman ñucamanta huillai tucunguichij.

Juan 1:15

Bautizaj Juan Jesusmanta huillashpaca: “Ñucapaj q'uipa shuj shamucunmi nishcaca paimari. Paica ñucapaj q'uipa shamushpapish ñucapaj ñaupa ña tiyashcamanta ñucata yalli jatunmari” nishpami caparirca.

Juan 14:29

Cunanca cai nishcacuna chashna tucujpica cancuna crichunmi manaraj chashna tucujpi cancunamanca ña huillani.

Juan 16:4

Ña chashna ruracujpica, caicunata ñuca huillashcata yuyarichunmi cunanman huillacuni. Caicunataca sarunmanca cancunahuan cashpami manaraj huillarcani.

Juan 4:26

Chaimi Jesusca: –Canhuan rimacuj ñucamari chaica cani– nirca.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.