Juan 13:14 - Dios Rimashca Shimicunami

¹⁴ Ñucaca cancunapaj Mandaj cashpapish, Yachachij cashpapish, cancunapaj chaquicunatami maillani. Cancunapish chai shinallatajmi, caishuj chaishujta maillana canguichij.

Mushuj Testamento Diospaj Shimi

¹⁴ Ñucaca cancunapaj Amo, Yachachij cashpapish, cancunapaj chaquicunata maillanimi. Cancunapish chashnallatajmi caishuj chaishuj chaquicunata maillanacuna canguichij.

Juan 13:14 Iomraidhean Croise

Juan 11:2

(Chai ungushca Lazaropaj pani Mariami Mandaj Jesustaca mishquijllata ashnacujhuan chaquipi tallishpa paipaj ajchahuan chaquichirca).

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

Romanos 12:10

Quiquin huauquindij shina caishuj chaishuj c'uyanacuichij. Caishuj chaishuj ñucata yalli allimi cangui ninacuichij.

Romanos 12:16

Cancunapurapica shuj shinalla caichij, ama jatun tucuichijchu. Ashtahuanpish mana jatun tucushcacunahuan tandanacuichij. Quiquin yuyaillapica, yachajmi canchij ama yuyaichijchu.

1 Corintios 12:3

Chaimantami caitaca yachaj chayachini. Pipish Diospaj Espiritumanta rimashpaca: “¡Jesustaca imapish tucunman!” mana ningachu. Chashnallataj jucha illaj Espiritullamantami pipish: “¡Jesusca Mandajmi!” ni tucun.

1 Corintios 8:13

Chai micui ñuca huauquita urmachina cajpica, ñuca huauquita ama ñitcachingapaj aichataca manataj micushachu.

2 Corintios 10:1

Ñucaca Pablomi cani. Cristo llaquij alli shungu cashca shinami ñucapish, cancunataca uyapaichij nini. Ñucaca cancunahuan cashpaca, mana jatun tucushca carcanichu. Ashtahuanpish cancunamanta carupi cashpaca, c'ari c'arimi tucushcani.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Gálatas 5:13

Cancunaca huauquicuna, ama huatashca cachun Dios agllashcacunami canguichij. Cacharichishcami canchij nishpaca, ñataj aicha munaita ruranguichijman. Ashtahuanpish c'uyaimantaca, caishujpaj chaishujpaj allita ruraichij.

Filipenses 2:11

Dios Yaya sumajyarichunca tucui c'allucunami Jesucristotaca Mandajmi nishpa huillangacuna.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

1 Pedro 4:1

Cristoca ñucanchijmantami paipaj aichapi llaquita aparca. Cancunapish llaquita apana yuyailla allichirichij. Maijanpish aichapi llaquita apajca, juchamantami tucui anchurishca.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.