Juan 13:10 - Dios Rimashca Shimicunami

¹⁰ Chaimi Jesusca: –Maijanpish cunanlla armashca cashpaca, tucui chuya cashcamanta mana cutin armanchu, chaquicunallatami maillarin. Cancunaca mana tucuicuna chuya cashpapish, chuyayachishcami canguichij– nircami.

Mushuj Testamento Diospaj Shimi

¹⁰ Chashna nijpi Jesusca: —Maijanpish ña armashca cashpaca, mana cutin armanchu, chaquicunallatami maillarin. Cancunaca, mana tucuicuna chuya cashpapish, ñamari chuya canguichij— nircami.

Juan 13:10 Iomraidhean Croise

ECLESIASTÉS 7:20

Cai pachapica cashcata ruraj cashpapish, manataj ima juchata rurashpa, allillata rurashpa causajca, shujllapish mana tiyanchu.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

JEREMÍAS 50:20

Ñucallataj mana causaita quichushpa saquishca israelcunataca, tucui juchacunatami perdonasha. Chaimantami chai punllacunapi, chai huatacunapica israelcunapish, Judá runacunapish ima juchachina illaj cangacuna. Mashcajpipish paicunapica, ima jucha mana japi tucungachu” ninmi Mandaj Diosca.

LEVÍTICO 16:26

Azazelpaj cachun chivota shitashca pambaman apajca paipaj churanata tajshashpa, paipish yacuhuan armashpa chai q'uipa carpa huasicuna tiyanman yaicugrichun.

LEVÍTICO 16:28

Chaicunata rupachijca paipaj churanacunata tajshashpa, paipish yacuhuan armachun. Chai q'uipaca paicuna causacushca carpa huasicunaman tigrachunlla.

Mateo 6:12

Ima shinami shujtajcuna ñucanchijta ima mana allita rurashcacunata perdonanchij, shinallataj quiquinpish ñucanchij juchacunata perdonapai.

Juan 13:18

Mana tucui cancunatachu chashna nini. Maijanlla ñuca agllashcataj cajtaca yachanimi. Ashtahuanpish: “Ñucahuan micujllatajmi, ñucataca jaitanga” nishpa Quillcachishca pajtachunmi chashna tucun.

Juan 13:9

Chaimi Simón Pedroca: –Mandaj Jesús, ama ñuca chaquicunallata maillahuaichu. Ashtahuanpish maquicunandij, umandij armachihuai– nirca.

Juan 15:3

Cancunaca ñuca huillashca Shimicunata chasquishcamantaca ñami chuyacuna canguichij.

2 Corintios 5:17

Chaimanta maijanpish Cristopi cajca, tucuita mushujyachishcamanta mushujmi. Ñaupa ima shina cashcaca ña chingarircami, cunanca tucuita mushujyachishcami.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

2 Corintios 7:1

Chaimanta c'uyashcacuna, Dios cushami nishcacunata charishcamantaca, ñucanchij aichatapish, yuyaitapish mapayachicujtaca tucui anchuchishunchij. Diosta manchashpa, tucui jucha illaj tucungacama paipajlla alli causashunchij.

1 Tesalonicenses 5:23

Sumaj causaita cuj Taita Diosllataj cancunapaj espiritutapish, almatapish, cuerpotapish tucui mapa illajlla tucungacama chuyayachishpa ñucanchijta Mandaj Jesucristo shamunapajca, pi mana juchachipajta huaquichishca cachun.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

Santiago 3:2

Tucuicunami achca cutin pandarinchij. Maijan imata rimashpapish mana pandarijca alli runami. Tucui cuerpotapish jarcari tucujmi.