Juan 13:1 - Dios Rimashca Shimicunami

¹ Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Mushuj Testamento Diospaj Shimi

¹ Jesusca, cai pachamanta Yayapajman ña rina pajtashcata yacharcami. Chaimantami Pascua fiesta callarina ñaupa chishica, cai pachapi caj Paipajcunataca, ñaupaman cʼuyaj cashca shinallataj, tucuricama cʼuyashpa catishcata ricuchisha nirca.

Juan 13:1 Iomraidhean Croise

PROVERBIOS 8:31

Pai tucuita rurashpa, cai pachapi causajcunata churashcamantami achcata cushicuni. Cai pachapica runacunahuanmi cushicuni.

JEREMÍAS 31:3

Mandaj Diosca achca huatacuna sirijpirajmi, ñucaman ricurishpa cashna nirca: “Ñucaca can israelcunataca huiñaita mana tucurij c'uyaihuanmi c'uyani. Chaimanta cancunataca llaquicunillami.

Mateo 26:45

Chaimanta paipaj yachacujcunapajman c'uchuyashpaca: –¡Cancunaca dormicuichijlla, samaricuichijlla! Runa Aichayujta juchayujcunapaj maquipi entreganaca, ñami pajtashca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Lucas 9:51

Jesusca jahua pachaman rina punlla chayamucujpimi, Jerusalenmanca mana manchashpa rina tucurca.

Juan 11:55

Judiocunapajca Pascua fiestami chayamucurca. Chaimantami chai llajtacunamantaca, Pascua punllapi Taita Diospaj ñaupajpi alli ricuringapaj, imallata rurana cashcata rurangapaj achcacuna ñaupaman Jerusalenmanca huichiyarcacuna.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 13:29

Judasca cullquita huaquichijmi carca. Chaimantami maijancunaca: “Fiestapaj imalla illashcata randigri”, mana cashpaca: “Huajchacunaman ashata cugri” nishpa, Jesús mandashca canata yuyarcacuna.

Juan 13:3

Jesusca paipaj maquipi paipaj Yaya Dios tucuita churashcata, Taita Diospajmanta shamushcata, Taita Diospajman cutin tigrana cashcatapishmi yacharca.

Juan 13:34

Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 16:28

Ñuca Yayapajmantami cai pachamanca shamurcani. Cai pachata saquishpa, ñuca Yayapajmanmi cutin tigragrini– nijpimi,

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 17:16

Ima shinami ñucaca mana cai pachapaj cani, chashnallatajmi paicunapish mana cai pachapaj.

Juan 17:26

Ñucaca quiquin ima shina cashcatami ricuchircani. Ashtahuan ricuchishpa caticushallami. Can ñucata c'uyashca c'uyaica paicunapi cachunmi ñucaca paicunahuan shujlla cani” nircami.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 18:4

Jesusca tucui imalla tucuna cashcata ña yachashcamantami, pairaj c'uchuyashpaca: –¿Pitataj mashcacunguichij?– nijpi,

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,

Juan 2:13

Judiocunapaj Pascua fiesta ñalla chayamucujpimi, Jesusca Jerusalenman rirca.

Juan 6:4

Judiocunapaj Pascua fiestami ña chayamucurca.

Juan 7:30

Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Juan 7:6

Chaimi Jesusca: –Ñuca rina punllaca manaraj chayamunchu. Ashtahuanpish cancunapajca ima horaspish rinallamari.

Juan 8:20

Jesusca, Taita Diospaj huasipi yachachicushpami, ofrendata cushpa churana c'uchupi cashpa chashnaca nirca. Chaipica paita japina horas manaraj pajtajpimi, mana pi japircacuna.

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Corintios 1:8

Ñucanchijta Mandaj Jesucristo shamui punllapi, pi mana juchachipaj cachunmi, tucuri punllacama paillataj sinchita charinga.

Hebreos 3:14

Cristohuan japijcunata rurashcacunami canchij. Chaimanta callaripi shunguta churashpa sinchi, caticushcataca tucuringacama caticunallami canchij.

Hebreos 3:6

Ashtahuanpish Cristoca, Diospaj Churi cashpami, Diospaj huasi ucupurataca tucuita mandacun. Chaimanta tucuringacama sinchi, chai yuyailla cushicuihuan catishpaca, chai huasica ñucanchijmi canchij.

Hebreos 6:11

Chaimanta cancuna shuyacushca pajtangacama ima shinalla ruracushcataca, chai shinallataj rurashpa tucuringacama ricuchichunmi munanchij.

1 Pedro 1:13

Chaimanta alli yuyaihuan chumbillirishca shina caichij, alli yachaj caichij. Jesucristo shamujpi mana c'uyaipajta c'uyashcata chasquishcaman chayana yuyailla caichij.

1 Juan 4:19

Ñucanchijca pairaj c'uyashcamantami, paitaca c'uyanchij.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.