Juan 12:5 - Dios Rimashca Shimicunami

⁵ –Cai mishquijllata ashnacujtaca, quimsa patsaj denariocunapi c'atushpa, huajchacunaman cushpachari alli canman carca– nircami.

Mushuj Testamento Diospaj Shimi

⁵ —¿Ima nishpashi cai mishquijlla ashnacujtaca, quimsa patsaj denariopi cʼatushpa, huajchacunaman mana curca?— nircami.

Juan 12:5 Iomraidhean Croise

ESDRAS 4:14

Ñucanchijca mandana huasimanta causacujcuna cashcamantami can jatun mandajta chashna llaquichichunca mana saqui tucunchij. Chaimantami can jatun mandajman cai quillcata cachashpaca,

ÉXODO 5:17

Jatun mandajca: –Cancunaca q'uillacunami canguichij. Ari, q'uillacunatajmari canguichij. Chaimantami: Mandaj Diosman sacrificiocunata cunaman ricunchij ninguichij.

ÉXODO 5:8

Ashtahuanpish ñaupaman mashna ladrillocunata ruraj cashca shinallatataj rurachinguichij. Amataj shujllapish illajtaca chasquinguichijchu. Paicunaca q'uillacuna cashpami: Ñucanchij Diosman sacrificiocunata cugrishun nishpa caparicuncuna.

AMÓS 8:5

Cancunaca cashnami ninguichij: “Trigota ña c'atushun ninchijca. Quillapish ña tucurijpichari, samana punllapish ña pasajpichari granocunata huaquichishca ucumanta pascashpa c'atungapaj. Medidacunatapish uchillayachishpa c'atungapaj, manapish cashcata balanzapi pizashpami achca cullquipi c'atushun.

Mateo 18:28

Ashtahuanpish paipajta ruraj chaimanta llujshishpaca, chai amopaj shujtaj servij paiman patsaj denario cullquita debijhuan tupashpami, paitaca cungapi sipishpa: “Ñucaman debishcata pagai” nirca.

Mateo 20:2

Pallajcunahuanca shuj punlla trabajashcamantaca shuj denario cullquitami pagasha nishpa ari ninacushpaca paicunataca, paipaj uvas chagramanmi cacharca.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 18:22

Chaita uyashpami Jesusca: –Shujca illanrajmi: Can imalla charishcacunata tucui c'atushpa, huajchacunaman cugri. Chaimi jahua pachapica achcata charingui. Chai q'uipaca, shamui ñucata cati– nirca.

Lucas 6:41

¿Ima nishpataj cambaj huauquipaj ñahuipi ujsha tiyacujtaraj ricungui? Cambaj quiquin ñahuipi jatun caspi tiyacujtaca manamari ricunguichu.

Juan 12:4

Chaimi yachacujcunapuramanta Jesusta japichina caj, Simonpaj churi Judas Iscarioteca cashna nirca:

Juan 12:6

Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.

Juan 13:29

Judasca cullquita huaquichijmi carca. Chaimantami maijancunaca: “Fiestapaj imalla illashcata randigri”, mana cashpaca: “Huajchacunaman ashata cugri” nishpa, Jesús mandashca canata yuyarcacuna.

Juan 6:7

Chaipimi Felipeca: –Ishqui patsaj denariocunahuan randishca tandapish, mirga mirgallapish mana pajtangachu– nirca.